Read Time:2 Minute, 52 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ބޭންކް އޮފް މޯލްޑިވްސް (ބީއެމްއެލް) އިން އާންމުކޮށްފައިވާ “ޝެޑިއުލް އޮފް ޗާޖެސް” ގައި ނުހިމެނޭ އިތުރު ފީއެއް ނަގާ ކަމަށް ދެކެވޭ ވާހަކަތައް އެ ބޭންކުން ވަނީ ދޮގުކޮށްފައެވެ. ބޭންކުން ހާމަކުރި ގޮތުގައި %30 ގެ ފީއެއް ނަގަނީ ހަމައެކަނި ދިވެހި ރުފިޔާ ޑެބިޓް ކާޑުން ވަކި އީ-ކޮމާސް ސައިޓްތަކެއްގައި (ޓީމޫ، ޝީއިން، އަލީބާބާ، އަލި އެކްސްޕްރެސް، ލަޒާޑާ އަދި އީބޭ) ކުރާ މުޢާމަލާތްތަކުންނެވެ. ސިއްހީ، ތައުލީމީ ނުވަތަ ދަތުރުފަތުރުގެ ހިދުމަތްތަކުން މިފަދަ ފީއެއް ނުނަގާނެ ކަމުގެ ޔަގީންކަން ބޭންކުން ދެއެވެ.
މި ފީ ނަގަން ފެށީ ރާއްޖެއިން ބޭރުވާ ޑޮލަރުގެ މިންވަރު އިންތިހާއަށް އިތުރުވުމާ ގުޅިގެންނެވެ. ތަފާސްހިސާބުތަކުން ދައްކާ ގޮތުގައި އީ-ކޮމާސް ސައިޓްތަކުން ކުރާ މުޢާމަލާތްތައް މަހަކު 20 މިލިއަން ޑޮލަރުން 45 މިލިއަން ޑޮލަރަށް ވަނީ އިތުރުވެފައެވެ. ދިވެހި ރުފިޔާ އެކައުންޓުން ކުރާ މިފަދަ މުޢާމަލާތްތަކަށް ބޭންކުން ޑޮލަރު ހަމަޖައްސައިދެނީ ބޭންކުގެ އަމިއްލަ އާމްދަނީންނެވެ. މިގޮތުން މިދިޔަ އަހަރު އެކަނިވެސް ކާޑު މުޢާމަލާތްތަކަށް ބޭންކުން 390 މިލިއަން ޑޮލަރު ހޭދަކޮށްފައިވެއެވެ. ބޭންކުން ބުނާ ގޮތުގައި މިފަދަ ކްރޮސް ބޯޑަރ ފީއެއް ނެގުމަކީ ބައިނަލްއަގުވާމީ ބޭންކިންގް އުސޫލުތަކާ އެއްގޮތް ކަމެކެވެ. އޮންލައިންކޮށް ވިޔަފާރިކުރާއިރު އެކި މަރުހަލާތަކުގައި ފީއެއް އިތުރުވުމަކީ އެކަށީގެންވާ ކަމެއް ކަމަށާއި، އެއީ ކޮންމެހެން ބޭންކުން ނަގާ ފީއަކަށް ނުވެދާނެ ކަމަށްވެސް ބީއެމްއެލްއިން ފާހަގަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0