Read Time:2 Minute, 39 Second
(ފޮޓޯ ކްރެޑިޓްސް: ރައީސް އޮފީސް)
ދިވެހިރާއްޖެއަކީ ސައްތައިން ސައްތަ އިސްލާމީ ޤައުމަކަށްވާއިރު، ކޮންމެ ދިވެއްސެއްގެ ހިތުގައިވެސް ކީރިތި ޤުރުއާނަށް މަތިވެރި ލޯތްބާއި އިޚްތިރާމް އޮންނަންޖެހޭނެކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ. އެކަމަނާ މިފަދައިން ވިދާޅުވީ ވެމްކޯގެ މުވައްޒަފުންނަށް ބޭއްވި ޤުރުއާން އަދި މަދަހަ މުބާރާތުގެ ނަތީޖާ ފާޅުކުރުމުގެ ރަސްމިއްޔާތުގައެވެ. މި ރަސްމިއްޔާތުގައި ވާހަކަދައްކަވަމުން އެކަމަނާ ވަނީ ވެމްކޯގެ މުވައްޒަފުންނަކީ ދީނީ ކަންކަމަށް ލޯބިކުރާ، ރޫޙާނީ ގޮތުން ވަރުގަދަ ބަޔަކަށް ހެއްދެވުމަށް އެ ކުންފުނީގެ މެނޭޖްމަންޓުން ކުރާ މަސައްކަތްތައް ފާހަގަކުރައްވާފައެވެ. ޚާއްޞަކޮށް މުވައްޒަފުންނަށް ޤުރުއާން އުނގަންނައިދޭން ފެށި ކްލާސްތަކަށް އެކަމަނާ ތައުރީފުކުރެއްވިއެވެ.
ވެމްކޯގެ މެނޭޖިންގ ޑިރެކްޓަރ މުޖްތަބާ ޖަލީލް ވިދާޅުވީ، މުވައްޒަފުންނަށް ޚާއްޞަކޮށްގެން އަޅާ ޤުރުއާން ކްލާސް އިމާރާތުގެ މަސައްކަތް މިއަހަރުގެ ނިޔަލަށް ނިންމައި ބޭނުންކުރަން ފެށޭނެ ކަމަށެވެ. މިއަހަރުގެ މުބާރާތްތަކުގައި ޤުރުއާން މުބާރާތުން 57 މުވައްޒަފުން އަދި މަދަހަ މުބާރާތުން 46 މުވައްޒަފުން ބައިވެރިވެފައިވެއެވެ. މި މުބާރާތްތަކަކީ ރާއްޖޭގައި އިސްލާމީ ޝިއާރުތައް ފުޅާކުރުމަށް ސަރުކާރުން ގެންގުޅޭ ސިޔާސަތުގެ ދަށުން ކުރިއަށްގެންދިޔަ ހަރަކާތްތަކެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0