Read Time:1 Minute, 38 Second
ގަވައިދާ ހިލާފަށް އުޅޭ ބިދޭސީން ހޯދުމަށް ހިންގާ “އޮޕަރޭޝަން ކުރަނގި” ގެ ތިންވަނަ ފިޔަވަހި އަންނަ މަހުގެ ދެވަނަ ދުވަހު ފެށުމަށް ވަނީ ނިންމާފައެވެ. މި އޮޕަރޭޝަނުގެ ދަށުން، ވިސާ ފީ ނުދައްކާ އުޅޭ ބިދޭސީން ފެނިއްޖެ ނަމަ ވަގުތުން ހައްޔަރުކޮށް ޑީޕޯޓްކުރާނެ ކަމަށް ހޯމް މިނިސްޓަރު އަލީ އިހުސާން ވަނީ ވިދާޅުވެފައެވެ. މިނިސްޓަރު ފާހަގަކުރެއްވި ގޮތުގައި، ސަރުކާރުގެ މަސައްކަތުން މިހާރު ރާއްޖޭގައި ތިބި ބިދޭސީންގެ 62 އިންސައްތައަކީ ސައްހަ ލިޔެކިއުން ހުރި މީހުންނެވެ. އަދި ކުރިން ގޮތް ނޭނގި އުޅުނު ގިނަ އަދަދެއްގެ ބިދޭސީންގެ ތެރެއިން މިހާރު ފިންގަޕްރިންޓް ނުނެގި ތިބީ އެންމެ 2,933 މީހުންނެވެ. ބިދޭސީން ގެންގުޅޭ ފަރާތްތަކުން ގަވައިދުން ވިސާ ފީ ދެއްކުމަށާއި، މި ކަމުގައި އެއްވެސް ފަރާތަކަށް އިސްތިސްނާއެއް ނޯންނާނެ ކަމަށް ވެސް މިނިސްޓަރު ވަނީ އިންޒާރު ދެއްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0