Read Time:1 Minute, 53 Second
(ފޮޓޯ ކްރެދިޓްސް: ރައީސް އޮފީސް)
ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް ސަރުކާރުން ކުރިއަށްގެންދާ “އޮޕަރޭޝަން ކުރަނގި” ގެ ދަށުން، ރާއްޖޭގައި ގަވައިދާ އެއްގޮތަށް އުޅޭ ބިދޭސީންގެ އަދަދު 28 އިން 62 އިންސައްތައަށް އިތުރުކުރެވިފައިވާ ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެއެވެ. މި އޮޕަރޭޝަން ފެށިއިރު ލިޔެކިއުން ހަމަނުވާ ގިނަ އަދަދެއްގެ ބިދޭސީން ތިބި ނަމަވެސް، މިހާތަނަށް ކުރެވުނު މަސައްކަތުން 206،000 އެއްހާ ބިދޭސީންގެ ފިންގަޕްރިންޓް ނަގައި، ސިސްޓަމްތައް ވަނީ އަދާހަމަކުރެވިފައެވެ. މިހާރު ދެނެގަނެވިފައިވާ ގޮތުގައި ފިންގަޕްރިންޓް ނުދީ ތިބީ 2،933 މީހުން ކަމަށާއި، އަންނަ އަހަރުގެ މޭ މަހު ފަށާ އޮޕަރޭޝަންގެ ތިންވަނަ ފިޔަވަހީގައި ގަވައިދާ ހިލާފަށް އުޅޭ މީހުން ހޯދައި ރާއްޖޭން ފޮނުވާލުމުގެ މަސައްކަތް ކުރިއަށްދާނެއެވެ. މީގެއިތުރުން ބިދޭސީން ގެންގުޅޭ ފަރާތްތަކުން ގަވައިދުން ފީތައް ދެއްކުމަށް މިނިސްޓަރު ވަނީ އިލްތިމާސްކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0