Read Time:2 Minute, 15 Second
(ފޮޓޯ ކްރެޑިޓްސް: ރައީސް އޮފީސް)
ދިވެހިރާއްޖޭގެ ޤައުމީ ދިފާޢީ ބާރަކީ ރާއްޖޭގެ އެންމެ ދުވަސްވީ އަދި އެންމެ ޒިންމާދާރު އެއް މުއައްސަސާއެވެ. 1892 އޭޕްރީލް 21 ގައި ރަސްމީކޮށް ޚިދުމަތް ފެށި މި ބާރުން ދަނީ ފާއިތުވި 134 އަހަރުތެރޭގައި ދީނާއި، ޤައުމާއި، ރައްޔިތުންގެ ސަލާމަތަށްޓަކައި ނުހަނު ބޮޑެތި ޤުރުބާނީތަކެއް ވަމުންނެވެ. ތާރީޚުގައި ދިމާވި ނުރައްކާތެރި އުދުވާނުތަކާއި، ޚާއްޞަކޮށް 1988 ނޮވެމްބަރު ތިނެއްގެ ހަމަލާއިން ޤައުމު ސަލާމަތްކުރުމުގައި ސިފައިން ދެއްކި ހިތްވަރަކީ މިއަދުގެ މިނިވަންކަމުގެ އަސާސެވެ.
ޒަމާނާ އެއްގޮތަށް ސިފައިންގެ ޤާބިލުކަން އިތުރުވެ، މިއަދު އެއްގަމާއި ކަނޑާއި ވައިގެ މަގުން ރާއްޖޭގެ އިސްތިޤްލާލު ހިމާޔަތްކުރުމުގެ ފުރިހަމަ ބާރު އެ މުއައްސަސާއަށް ލިބިފައިވެއެވެ. ހަމައެހެންމެ، ސުނާމީ ކާރިސާއާއި، ފެނުގެ ކާރިސާ އަދި ކޯވިޑް-19 ފަދަ އިޖުތިމާޢީ ބޮޑެތި ހާދިސާތަކުގައިވެސް ރައްޔިތުންނަށް އެހީތެރިވުމުގައި ސިފައިން ތިބީ އެންމެ ކުރީ ސަފުގައެވެ. ދިވެހި ސިފައިންނަކީ ކޮންމެ ދަނޑިވަޅެއްގައިވެސް އަމިއްލަ ފުރާނައަށްވުރެ ޤައުމު އިސްކޮށް، ބަތަލުންގެ ޖިހާދުން ނަމޫނާ ލިބިގެން ސާބިތުކަމާއެކު ޚިދުމަތުގައި ދެމިތިބި ބަޔެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0