Read Time:1 Minute, 41 Second
ކަޅު ބާޒާރުން ބޭރު ފައިސާ ހޯދާކަމަށް ބުނެ ދެކެވޭ ވާހަކަތައް ބޭންކް އޮފް މޯލްޑިވްސްއިން ދޮގުކޮށްފިއެވެ. އެ ބޭންކުގެ ތަރުޖަމާނު މުޙައްމަދު ސައީދު ވިދާޅުވީ، ބީއެމްއެލުން އަބަދުވެސް އަމަލުކުރަނީ މަރުކަޒީ ބޭންކުގެ އުސޫލުތަކާ އެއްގޮތަށް ކަމަށެވެ. މި އަހަރުގެ ފުރަތަމަ ކުއާޓަރުގައި ވިޔަފާރިތަކަށާއި އަމިއްލަ ފަރުދުންނަށް 226 މިލިޔަން ޑޮލަރު ވިއްކާފައިވާއިރު، މީގެ ތެރޭގައި ޒަރޫރީ މުދާ އިމްޕޯޓްކުރުމަށް ދޫކުރި ފައިސާ ވަނީ މިދިޔަ އަހަރާ އަޅާބަލާއިރު ވަރަށް ބޮޑަށް އިތުރުވެފައެވެ. ބޭންކުގެ މާލީ ހާލަތު ވަރުގަދަކަން ފާހަގަކުރައްވައި، ސައީދު ވިދާޅުވީ ބޭންކުގެ ޑޮލަރު ރިޒާވް ހުސްވެފައިވާ ކަމަށް ބުނާ ވާހަކަތަކަކީ ހަގީގަތެއް ނޫން ކަމަށެވެ. އަދި ބީއެމްއެލުން އަބަދުވެސް ދެމިތިބޭނީ ދެފުށް ފެންނަ ގޮތެއްގައި ރައްޔިތުންނަށް ޚިދުމަތް ކުރުމުގައި ކަމަށްވެސް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0