Read Time:2 Minute, 10 Second
މިއަހަރުގެ ފުރަތަމަ ކުއާޓަރުގައި ބޭންކް އޮފް މޯލްޑިވްސްއަށް ސާފު ފައިދާގެ ގޮތުގައި 631 މިލިޔަން ރުފިޔާ ލިބިފައިވާއިރު، މިއީ މިދިޔަ އަހަރުގެ މި މުއްދަތާ އަޅާބަލާއިރު 26.9 އިންސައްތައިގެ ކުރިއެރުމެކެވެ. ބޭންކުގެ އާމްދަނީ 1.24 ބިލިޔަން ރުފިޔާއަށް އިތުރުވެފައިވަނީ ލޯނާއި ފައިނޭންސިންގެ އިތުރުން ފީ އާއި ކޮމިޝަންތަކުން ލިބުނު ފައިދާ އިތުރުވުމުންނެވެ. ބޭންކުގެ ހިންގުމުގެ ޚަރަދުތައް ރަނގަޅަށް މެނޭޖްކުރެވިފައިވާއިރު، ޖުމްލަ އެސެޓް ވަނީ ބޭންކުގެ ތާރީޚުގައި ފުރަތަމަ ފަހަރަށް 60 ބިލިޔަން ރުފިޔާއަށްވުރެ މައްޗަށް އަރާފައެވެ.
މީގެ އިތުރުން ކަސްޓަމަރުން ޑިޕޮސިޓްކުރި ފައިސާ 40.7 ބިލިޔަނަށް އަދި ދޫކޮށްފައިވާ ލޯނުގެ މިންވަރު 27.6 ބިލިޔަން ރުފިޔާއަށް ވަނީ އިތުރުވެފައެވެ. ރާއްޖެއިން ބޭރަށް ފައިސާ ފޮނުވުމަށާއި ކާޑު މުޢާމަލާތްތަކަށް ބޭންކުން ދޫކުރި ޑޮލަރުގެ މިންވަރުވެސް މިދިޔަ އަހަރާ އަޅާބަލާއިރު ވަނީ ބޮޑުތަނުން އިތުރުވެފައެވެ. ބޭންކުގެ މާލީ ހާލަތު ވަރުގަދަކޮށް ފެންނަ މި ރިޕޯޓުން ދައްކާގޮތުގައި، ހުރިހާ ދާއިރާއަކުންވެސް ބޭންކަށް ވަނީ ފާހަގަކޮށްލެވޭ ފަދަ ބޮޑު ކާމިޔާބީއެއް ލިބިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0