Read Time:1 Minute, 47 Second
(ފޮޓޯ ކްރެޑިޓްސް: ރައީސް އޮފީސް)
މަސްވެރިންނަށް ތެޔޮ ލިބުމުގައި ދަތިތަކެއް އުޅޭކަމަށް ދެކެވޭ ވާހަކަތަކަކީ ހަގީގަތާ ޚިލާފު ވާހަކަތަކެއް ކަމަށް މަސްވެރިކަމާ ބެހޭ ވަޒީރު އަޙުމަދު ޝިޔާމް ވިދާޅުވެއްޖެއެވެ. ވަޒީރު ފާހަގަކުރެއްވި ގޮތުގައި ދުނިޔޭގެ ބާޒާރުގައި ތެލުގެ އަގު އުފުލިފައިވީ ނަމަވެސް، ސަރުކާރުން އެންމެ ބޮޑު އިސްކަމެއް ދެނީ މަސްވެރިންނަށް ބުރަޔަކަށް ނުވާނޭހެން ތެޔޮ ފޯރުކޮށްދިނުމަށެވެ. އަދި މިހާރު އެންވެރިކަން ރަނގަޅުވެ މަސްވެރިކަން އިއާދަވަމުންދާތީ، މަސް ގަންނަ ބޯޓުތައް އިތުރުކުރުމުގެ މަސައްކަތް ކުރަމުންދާ ކަމަށްވެސް ވިދާޅުވިއެވެ. މީގެ އިތުރުން “ފަހި ހަކަތަ” ޕްރޮގްރާމްގެ ދަށުން ސަބްސިޑީއާއެކު ހެޔޮ އަގުގައި މަސްވެރިންނަށް ތެޔޮ ލިބޭނެ އިންތިޒާމު މިހާރުވެސް ދަނީ ހަމަޖައްސަމުންނެވެ. އެގޮތުން މިފްކޯއަށް މަސްކިރާ އުޅަނދުތަކަށް ޚާއްޞަ އަގުތަކެއްގައި ޑީސަލް ލިބޭނެކަން ވަނީ ކަށަވަރުކޮށްދެއްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0