Read Time:2 Minute, 17 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ސަރުކާރުގެ ސިޔާސީ މަގާމުތަކަކީ ފަސް އަހަރުގެ މުއްދަތަށް ދެވޭ ހަދިޔާއެއް ނޫން ކަމަށާއި، އެ މަގާމުތަކުގައި ތިއްބަވާ ބޭފުޅުންނަށް ނަތީޖާ ނުނެރެވޭ ނަމަ މަގާމުން ވަކިކުރާނެ ކަމަށް ރައީސް އޮފީހުގެ ޗީފް ގަވަމަންޓް ސްޕޯކްސްޕާސަން މުހައްމަދު ހުސެއިން ޝަރީފް (މުންދު) ވިދާޅުވެއްޖެއެވެ. ސިޔާސީ މުވައްޒަފުންގެ މަސައްކަތުގެ ފެންވަރު ރައީސް އޮފީހުގެ ބެލުމުގެ ދަށުން ގަވާއިދުން އެސެސް ކުރަމުންދާ ކަމަށާއި، މިގޮތުން ބަލާއިރު މަސައްކަތް އެކަށީގެންވާ ފެންވަރަށް ކުރާ މީހުން މަގާމުގައި ދެމިތިބޭނެ ކަމަށާއި، ނަތީޖާ ނުނެރެވޭ މީހުން ވަކިކުރުން ނުވަތަ އެހެން މަގާމަކަށް ބަދަލުކުރުން ފަދަ ނިންމުންތައް ނިންމާނެ ކަމަށް އޭނާ ފާހަގަކުރެއްވިއެވެ. މުންދު އިތުރަށް ވިދާޅުވީ، ވަކި އަދަދެއް ކަނޑައަޅައިގެން މީހުން ވަކިކުރުމުގެ ބަދަލުގައި ސަރުކާރުގެ މަގްސަދަކީ މަގާމުތަކުގައި އެންމެ އެކަށީގެންވާ މީހުން ބައިތިއްބައިގެން ސަރުކާރުގެ ދުވެލި ހަރުދަނާކުރުން ކަމަށެވެ. އަދި ސިޔާސީ މުވައްޒަފުންނަކީ ރައްޔިތުންގެ ފައިސާއިން މުސާރަ ލިބޭ ބަޔަކަށް ވާތީ، ވަފާތެރިކަމާއެކު މަސައްކަތްކޮށް ނަތީޖާ ދައްކަންޖެހޭނެ ކަމަށްވެސް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0