Read Time:2 Minute, 21 Second
(ފޮޓޯ ކްރެޑިޓްސް: ރައީސް އޮފީސް)
ޔަހޫދީންނާއި އެމެރިކާއިން އިރާނަށް ދިން ޢުދުވާނީ ޙަމަލާތަކާ ގުޅިގެން ހުރުމުޒު ކަނޑުއޮޅި ބަންދުވުމުން، ދުނިޔޭގެ ބާޒާރުގައި ތެލާއި ގޭހުގެ އަގު ވަނީ އުފުލިފައެވެ. މިކަމުގެ ސަބަބުން ރާއްޖޭގެ އިޤްތިޞާދަށް ކުރާނެ އަސަރު ކުޑަކުރުމަށް ސަރުކާރާއި ސަރުކާރު ހިއްސާވާ ކުންފުނިތަކުން ދަނީ ޚަރަދު ކުޑަކުރުމުގެ ހަރުދަނާ ފިޔަވަޅުތަކެއް އަޅަމުންނެވެ. މީގެ ތެރޭގައި ކޮންމެހެން ކުރަންޖެހޭ ދަތުރުތައް ފިޔަވައި އެހެން ދަތުރުތައް ހުއްޓާލުމާއި، އޮންލައިން ބައްދަލުވުންތަކަށް އިސްކަންދިނުމާއި، އިތުރުގަޑީގެ މަސައްކަތްތަކާއި އަލަށް މުވައްޒަފުން ނެގުން މަޑުޖައްސާލުން ހިމެނެއެވެ.
ޚަރަދު ކުޑަކުރުމުގެ ފިޔަވަޅުތައް އެޅިނަމަވެސް، ސިއްޙީ ދާއިރާއާއި ގެދޮރުވެރިކަމުގެ މަޝްރޫޢުތައް މެދުނުކެނޑި ކުރިއަށް ގެންދިއުމަށް ސަރުކާރުން ވަނީ ނިންމާފައެވެ. އަދި ރައްޔިތުންގެ ދިރިއުޅުމުގެ ޚަރަދުތައް ބޮޑުވިޔަ ނުދިނުމަށްޓަކައި، ކާބޯތަކެތީގެ އަގުތައް މޮނީޓަރުކޮށް، އަސާސީ މުދާ ހެޔޮ އަގުގައި ލިބޭނެ އިންތިޒާމުތައް ދަނީ ހަމަޖައްސަމުންނެވެ. ސަރުކާރުގެ އަމާޒަކީ ދުނިޔޭގެ ޙާލަތަށް ބަލައި، ރައްޔިތުންނަށް އުނދަގޫނުވާނެހެން އިޤްތިޞާދީ ރައްކާތެރިކަން ކަށަވަރުކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0