Read Time:2 Minute, 5 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރަށްރަށުގެ ގުދުރަތީ ރީތިކަން ނުގެއްލޭގޮތަށް މަގުތައް ތަރައްޤީކުރުމުގެ އައު ކޮންސެޕްޓެއް ސަރުކާރުން ފާސްކޮށް، މި މަޝްރޫޢު އެންމެ ފުރަތަމަ އދ. ދިގުރަށުގައި ފެށުމަށް އާރުޑީސީން ވަނީ ނިންމާފައެވެ. މި ކޮންސެޕްޓުގެ ދަށުން މަގުތައް ތަރައްޤީކުރާނީ ފެންބޮޑުނުވާނެ ފަދަ ޒަމާނީ ނިޒާމަކާއެކު، ހިނގާ މީހުންނަށް ޚާއްސަ ޕޭމަންޓްތަކާއި ބިމުގެ އަޑިން އަޅަންޖެހޭ ހޮޅިތަކަށް ބޭނުންވާ ވަސީލަތްތަކާއެކުގައެވެ. ރައީސުލްޖުމްހޫރިއްޔާގެ އިރުޝާދުގެ ދަށުން ތައްޔާރުކުރި މި “ވެލި މަގު” ކޮންސެޕްޓުގައި، މަގުގެ މަތީ ފަށަލަ ދޮންވެލިގަނޑެއްގެ ގޮތުގައި ފެންނަން އޮތް ނަމަވެސް، ޚާއްސަ ސިމެންތި ސްޓެބިލައިޒަރެއް ބޭނުންކޮށްގެން މަގުތައް ހަރުކޮށް ހެދިގެންދާނެއެވެ. މި ނިޒާމު ދެމެހެއްޓެނިވި ގޮތެއްގައި ބެލެހެއްޓުމުގައި ކައުންސިލްތަކުގެ ދައުރު ބޮޑުކަން ފާހަގަކުރަމުން، އާރުޑީސީން ބުނީ މިފަދަ މަޝްރޫޢުތައް އަވަސްކުރުމަށް ބޭނުންވާ ގިނަ އަދަދެއްގެ ހެވީ ވެހިކަލްތައް މިހާރު ރާއްޖެ ގެނެސް ރަށްރަށަށް ފޮނުވުމުގެ މަސައްކަތް ފަށާފައިވާ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0