Read Time:1 Minute, 57 Second
(ފޮޓޯ ކްރެޑިޓްސް: ރައީސް އޮފީސް)
ޞިއްޙީ ދާއިރާ ތަރައްޤީކޮށް އިންސާނީ ވަސީލަތް ބިނާކުރުމަށް ސަރުކާރުން ކުރަމުންދާ މަސައްކަތުގެ ދަށުން، މިއަހަރުގެ ތެރޭގައި 1900 އެއްހާ މުވައްޒަފުން ޚިދުމަތަށް ނެރެވޭނެ ކަމަށް ޞިއްޙީ ވަޒީރު ޢަބްދުﷲ ނާޡިމް އިބްރާހީމް ވިދާޅުވެއްޖެއެވެ. ވަޒީރު ފާހަގަކުރެއްވި ގޮތުގައި ވޭތުވެދިޔަ ދެ އަހަރު ދުވަހުގެ ތެރޭގައި އަތޮޅުތަކުގެ ޞިއްޙީ ޚިދުމަތް ފުޅާކުރުމަށް ގިނަ މަސައްކަތްތަކެއް ކުރެވި، 18 ރަށެއްގައި ލެބޯޓަރީގެ ޚިދުމަތާއި 10 ރަށެއްގައި ޑައިލިސިސްގެ ޚިދުމަތް ވަނީ އަލަށް ފަށާފައެވެ. ނަމަވެސް، ޚިދުމަތްތައް އިތުރުވަމުންދާއިރު އެ ދާއިރާއަށް ބޭނުންވާ ފަންނީ ދިވެހި މުވައްޒަފުން މަދުވުމަކީ ބޮޑު ގޮންޖެހުމެއް ކަމަށާއި، މިދިޔަ އަހަރުވެސް 1700 އެއްހާ މުވައްޒަފުން ތަމްރީންކޮށް ޚިދުމަތަށް ނެރެފައިވާނެ ކަމަށް ވަޒީރު ވިދާޅުވިއެވެ. އެހެންކަމުން، ޞިއްޙީ ދާއިރާއިން ކުރިއަށް ގޮސް ޤައުމަށް ޚިދުމަތް ކުރުމަށް ވީހާވެސް ގިނަ ދިވެހި ޒުވާނުން ނިކުތުމަށް ވަޒީރު ވަނީ ބާރުއަޅުއްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0