Read Time:2 Minute, 31 Second
(ފޮޓޯ ކްރެޑިޓްސް: އެމްނެސްޓީ)
ނިރުބަވެރި އިޒްރޭލުން ޣައްޒާއަށް ދެމުންދާ ވައިގެ ހަމަލާތައް މެދުކަނޑާލާފައި އޮތް ނަމަވެސް، ބޭސްފަރުވާއާއި އަސާސީ ވަސީލަތްތަކަށް އަޅަމުންދާ ހުރަސްތަކުގެ ސަބަބުން ފަލަސްޠީނުގެ މުސްލިމުން މަރުވާ މިންވަރު ދަނީ އިތުރުވަމުންނެވެ. އިންސާނީ އެހީދޭ ޖަމާޢަތްތަކުން ހާމަކުރާ ގޮތުގައި، އިޒްރޭލުން ދަނީ ބޭހާއި ކާބޯތަކެތި އެތެރެކުރުމަށް ގަސްތުގައި ހުރަސްއަޅައި، ޣައްޒާގައި ބަނޑުހައިހޫނުކަމާއި ބަލިމަޑުކަން ފަތުރަމުންނެވެ. މިގޮތުން އެމް.އެސް.އެފް ފަދަ ޖަމާޢަތްތަކުގެ މަސައްކަތްތަކަށް ހުރަސްއަޅައި، ގިނަ އަދަދެއްގެ އެހީދޭ ޖަމާޢަތްތަކެއްގެ ރަޖިސްޓްރީ ވަނީ ބާތިލުކޮށްފައެވެ.
ޣައްޒާގެ ޙާލަތު މިހާރު އޮތީ ބޮޑު ބަނޑުހައިހޫނުކަމެއްގެ ތެރޭގައި ކަމަށް ބައިނަލްއަޤްވާމީ އިދާރާތަކުން ކަށަވަރުކޮށްދެއެވެ. ޚާއްޞަކޮށް ކުޑަކުދިންނަށް ބޭނުންވާ ކާނާ ނުލިބުމުގެ ސަބަބުން އެތައް ހާސް ކުދިންނެއްގެ ފުރާނައަށް ވަނީ ނުރައްކާވެފައެވެ. އދ. އިން ސިފަކުރާ ގޮތުގައި މިއީ ނިޒާމީ ގޮތެއްގައި ނަސްލު ނައްތާލުމަށް އިޒްރޭލުން ބޭނުންކުރާ އުކުޅެކެވެ. ނަމަވެސް، މި ނުރައްކާތެރި ޖަރީމާތައް ހުއްޓުވުމަށް ބައިނަލްއަޤްވާމީ މުޖުތަމަޢާއި އިސްލާމީ ޤައުމުތަކުން އަމަލީ ގޮތުން އެކަށީގެންވާ ފިޔަވަޅުތަކެއް އަޅަމުން ނުދާކަން އެނަލިސްޓުން ފާހަގަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0