Read Time:2 Minute, 31 Second
(ފޮޓޯ ކްރެޑިޓްސް: ގެޓީ އިމޭޖާސް)
އެމެރިކާ އާއި އީރާނާއި ދެމެދު ހަނގުރާމާ ހުއްޓާލުމުގެ އެއްބަސްވުމަކަށް އަދި އާދެވިފައިނުވާއިރު، “އެމެރިކާ އިން މަޝްވަރާތަކުން ވަކިވާން ބަހަނާ ދައްކަމުންދާ” ކަަމަށް އީރާނުން މިއަދު ބުނެފިއެވެ. އެމެރިކާ އާއި އީރާނާ ދެމެދު ހަނގުރާމަ ހުއްޓާލުމުގެ އެއްބަސްވުމަށް އައުމާއި ގުޅޭ މަޝްވަރާތައް ކުރިއަށް ގެންދަނީ ޕާކިސްތާނުގެ އިސްލާމްއާބާދުގައެވެ. އެ މަޝްވަރާތައް އިއްޔެ ފެށިއިރު، މިއަދު މިއީ މަޝްވަރާތަކުގެ ދެވަނަ ދުވަހެވެ. އެ މަޝްވަރާތަކުގެ ފުރަތަމަ ބުރު ނިންމާލުމަށް ފަހު، އެމެރިކާގެ ނައިބް ރައީސް ޖޭޑީ ވެންސް ވަނީ ފުރައިފައެވެ.
އީރާނުގެ ވަފުދުގެ ގާތް އޮފިޝަލަކު ފާސް ނިއުސް އެޖެންސީ އަށް މައުލޫމާތު ދެމުން ބުނީ އެމެރިކާ އިން ބަލަނީ މަޝްވަރާގެ މޭޒަށް ނުކުންނަން ބަހަނާއެއް ކަމަށެވެ. “ބައިނަލްއަގުވާމީ މައިދާނުގައި އެ މީހުންގެ މަޝްހޫރުކަން ގެއްލިގެން ދިއުމުގެ ސަބަބުން އެމެރިކާ އަށް މި މަޝްވަރާ ކުރިއަށް ގެންދަން މަޖުބޫރުވީ. އީރާނާ ދެކޮޅަށް ކުރި ހަނގުރާމައިން ބަލިވެ ހުއްޓުމަކަށް އައި ނަމަވެސް، އެ މީހުންގެ އުއްމީދުތައް ކުޑަކުރަން ބޭނުން ނުވާކަން ފާހަަގަވަނީ،”. އެ ރިޕޯޓުގައި ބުނެފައިވެއެވެ. އަދި އީރާނުން މަޝްވަރާތައް ކުރިއަށް ގެންދިއުމުގެ ދެވަނަ ބުރުގައި ބައިވެރިވުމުގެ ވިސްނުމެއް ނެތް ކަމަށް ވެސް އެ މީހުން ބުނެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0