Read Time:2 Minute, 22 Second
(ފޮޓޯ ކްރެޑިޓްސް: އޭޕީ)
ނާސާއިން ހަނދުގެ އޯބިޓުގައި ސްޕޭސް ސްޓޭޝަނެއް ހެދުމުގެ ބަދަލުގައި، ކުރިއަށް އޮތް 7 އަހަރު ތެރޭގައި ހަނދުގެ ސަތަޙައިގައި ބޭސްއެއް ބިނާކުރުމަށާއި މާސްއަށް ނިއުކްލިއަރ ހަކަތައިން ދުއްވާ އުޅަނދެއް ފޮނުވުމަށް 20 ބިލިއަން ޑޮލަރު ޚަރަދުކުރަން ނިންމައިފިއެވެ. މި ބަދަލު ހާމަކުރެއްވީ ނާސާގެ އާ އެޑްމިނިސްޓްރޭޓަރ ޖެރެޑް އައިޒެކްމަންއެވެ. މި މަޝްރޫޢުގެ ދަށުން 2028 ވަނަ އަހަރު “ސްޕޭސް ރިއެކްޓަރ 1 ފްރީޑަމް” ޖައްވަށް ފޮނުވައި، މާސްއަށް ކުރާ ދަތުރުތަކުގައި ނިއުކްލިއަރ ޓެކްނޮލޮޖީ ޓެސްޓުކުރުމަށް ވަނީ ރޭވިފައެވެ.
ހަނދުގެ ސަތަޙައިގައި ބޭސްއެއް ހެދުމުގެ މައިގަނޑު ބޭނުމަކީ އިންސާނުންނަށް އެތަނުގައި ދިގު މުއްދަތަކަށް ދިރިއުޅެވޭނެ މަގު ފަހިކުރުމެވެ. މިކަމަށްޓަކައި އެސްޓްރޮނޯޓުން ދިއުމުގެ ކުރިން ރޮބޮޓިކް މިޝަންތައް މެދުވެރިކޮށް އިންފްރާސްޓްރަކްޗަރ ބިނާކުރާނެއެވެ. މި އާ ސްޓްރެޓެޖީގެ ސަބަބުން ކުރިން ރާވާފައިވާ “ލޫނަރ ގޭޓްވޭ” ސްޓޭޝަންގެ މަސައްކަތް ވަނީ މަޑުޖައްސާލާފައެވެ. މިއީ ޗައިނާއިން 2030 ގެ ކުރިން ހަނދަށް މީހުން ފޮނުވަން ކުރާ މަސައްކަތާ ވާދަކުރުމުގެ ގޮތުންނާއި، ޖައްވީ ދަތުރުފަތުރުގެ އާ އުސްމިންތަކަކަށް ވާސިލުވުމަށް ނާސާއިން ގެނައި މުހިންމު ބަދަލެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0