Read Time:1 Minute, 41 Second
މަޝްރޫޢުތައް އަވަސްކުރުމަށްޓަކައި އާރްޑީސީން ޗައިނާގެ ކުންފުންޏެއް މެދުވެރިކޮށް ގެނައި 230 ހެވީ ވެހިކަލް، އަންނަ ހަފުތާއިން ފެށިގެން އަތޮޅުތަކަށް ފޮނުވަން ފަށާނެއެވެ. އެ ކުންފުނީގެ މެނޭޖިން ޑިރެކްޓަރ އިބްރާޙިމް ނަޒީމް ވިދާޅުވި ގޮތުގައި، މިހާރު ކުރިއަށްދަނީ އުޅަނދުތައް ރަޖިސްޓްރީ ކުރުމުގެ މަސައްކަތް ކަމަށާއި، ފުރަތަމަ ބުރުގައި އާރްޑީސީން މަގު ހެދުމުގެ މަސައްކަތް ކުރާ 20 ރަށަކަށް އެސްކަވޭޓަރާއި ފޯކްލިފްޓް އަދި ޑަމްޕް ލޮރީ ފޮނުވާނެއެވެ. މީގެ އިތުރުން މަގު ހެދުމަށް ބޭނުންވާ 4 ތާރު ޕްލާންޓެއްވެސް ވަނީ ގެނެސްފައެވެ. މި އުޅަނދުތައް ބޭނުންކޮށްގެން މާލެ ސަރަޙައްދުގައި އެންމެ ބޮޑު އިސްކަމެއް ދޭނީ ގުޅިފަޅުގެ ޔުޓިލިޓީ ޚިދުމަތްތައް ޤާއިމުކުރުމަށެވެ. މި އުޅަނދުތަކުގެ ސަބަބުން ރަށްރަށުގައި ހިންގާ އެހެނިހެން މަޝްރޫޢުތަކަށްވެސް ލުއިފަސޭހަކަން ލިބިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0