Read Time:2 Minute, 32 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މެދުއިރުމަތީގެ ހަނގުރާމައާ ގުޅިގެން ރާއްޖޭގެ އިޤްތިޞާދަށް ކުރާނެ ނޭދެވޭ އަސަރުތައް ކުޑަކުރުމަށްޓަކައި، ސަރުކާރު ހިއްސާވާ ކުންފުނިތަކުގެ ޚަރަދުތައް ކުޑަކުރުމަށް ޕްރައިވެޓައިޒޭޝަން އެންޑު ކޯޕްރަޓައިޒޭޝަން ބޯޑު (ޕީސީބީ) އިން ވަނީ އަންގާފައެވެ. މިގޮތުން މުވައްޒަފުންގެ މުސާރައާއި އިނާޔަތްތަކަށް ކުރާ ޚަރަދު ކުޑަކުރުމަށާއި، އިތުރުގަޑީގެ މަސައްކަތް މަދުކުރުމަށާއި، އަދި ކޮންމެހެން ބޭނުންވާ މަޤާމަކަށް މެނުވީ އަލަށް މުވައްޒަފުން ނުނެގުމަށާއި މަޤާމުގެ ކުރިއެރުން ދިނުން މަޑުޖައްސާލުމަށް ވަނީ އިރުޝާދު ދީފައެވެ.
މީގެ އިތުރުން، ކުންފުނިތަކުން ބާއްވާ ހަފްލާތަކާއި ދަތުރުފަތުރުގެ ޚަރަދުތައް މަދުކުރުމަށްވެސް ވަނީ އަންގާފައެވެ. އެގޮތުން ރާއްޖެއިން ބޭރަށް ކުރާ ރަސްމީ ދަތުރުތައް މަދުކޮށް، އޮންލައިން ބައްދަލުވުންތަކަށް އިސްކަންދިނުމަށާއި، ބިޒްނަސް ކްލާހުގައި ދަތުރުނުކުރުމަށް ވަނީ އަންގާފައެވެ. އަދި ކުންފުނިތަކުގެ ކޭޝްފްލޯ ދެމެހެއްޓެނިވި ގޮތެއްގައި މެނޭޖްކުރުމަށާއި، ކަރަންޓު ޚަރަދު ކުޑަކުރުމަށް އިއާދަކުރަނިވި ހަކަތަ ބޭނުންކުރުމަށްވެސް ޕީސީބީގެ ސާކިއުލާގައި ބާރުއަޅާފައިވެއެވެ. މި ފިޔަވަޅުތަކަކީ ދައުލަތުގެ މާލީ ހާލަތަށް ރިއާޔަތްކޮށް، ކުންފުނިތަކުގެ ހިންގުން ހަރުދަނާކުރުމަށް އެޅި ފިޔަވަޅުތަކެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0