Read Time:1 Minute, 46 Second
(ފޮޓޯ ކްރެޑިޓްސް: ރޮއިޓާރސް)
އީރާނުން ހުށަހެޅި 10 ނުކުތާގެ ތެރެއިން ތިން މާއްދާއަކާ އެމެރިކާއިން ޚިލާފުވެފައިވާ ކަމަށް އީރާނުގެ މަޖިލީހުގެ ރައީސް މުޙައްމަދު ބާގިރު ޤާލީބާފް ވިދާޅުވެއްޖެއެވެ. އީރާނުން ދިން ވަރުގަދަ ރައްދު ޙަމަލާތަކާއި ހުރްމުޒް ކަނޑުއޮޅު ބަންދުކުރުމާ ގުޅިގެން، ދެ ހަފްތާއަށް ޙަމަލާތައް މެދުކަނޑާލަން އެމެރިކާއިން ހުށަހެޅި ހުށަހެޅުމަށް އީރާނުން ވަނީ އެއްބަސްވެފައެވެ. ނަމަވެސް، ހަނގުރާމަ ހުއްޓާލުމުގެ އެއްބަސްވުން ލުބުނާނަށް ފުޅާނުކުރުމާއި، އީރާނުގެ ވައިގެ ސަރަޙައްދަށް ޖާސޫސީ ޑްރޯން ފޮނުވުމުގެ އިތުރުން ޔުރޭނިއަމް މުއްސަނދިކުރުމުގެ ޙައްޤަށް އެމެރިކާއިން ހުރަސްއަޅާފައިވާ ކަމަށް ޤާލީބާފް ފާހަގަކުރެއްވިއެވެ. މަޝްވަރާތައް ފެށުމުގެ ކުރިންވެސް އަސާސްތަކާ ޚިލާފުވެފައިވާތީ، މިފަދަ ދަނޑިވަޅެއްގައި ހަނގުރާމަ ހުއްޓާލުމަށް މަޝްވަރާކުރުމަކީ ބުއްދިވެރި ކަމެއް ނޫން ކަމަށް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0