Read Time:1 Minute, 50 Second
ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ ބައި-އިލެކްޝަންގައި ކުރީގެ ރައީސް ޔާމީންގެ ތާއީދާއެކު އަމިއްލަ ގޮތުން ވާދަކުރެއްވި އެއްވެސް ކެންޑިޑޭޓަކަށް ގޮނޑިއެއް ކާމިޔާބެއް ނުކުރެވުނެވެ. މާލޭ މޭޔަރުކަމަށް ޔާމީންގެ ތާއީދާއެކު ނުކުންނެވި އިސްމާއިލް ޒަރިޔަންދަށް ލިބިވަޑައިގަތީ ވޯޓުގެ %20.52 އާއެކު ތިންވަނައެވެ. މި އިންތިޚާބު ކާމިޔާބު ކުރެއްވީ އެމްޑީޕީގެ އާދަމް އާޒިމް ކަމަށްވާއިރު، ސަރުކާރު ހިންގާ ޕީއެންސީގެ ކެންޑިޑޭޓް މޫސާ އަލީ ޖަލީލަށް ލިބިވަޑައިގަތީ ދެވަނައެވެ. ޔާމީންގެ ކެންޑިޑޭޓުން ނެރުއްވުމަކީ ޕީއެންސީގެ ވޯޓު ބައިބައިކޮށް، އެމްޑީޕީއަށް ފުރުޞަތު ހޯދައިދިނުމަށް ކުރި ކަމެއް ކަމަށް ބައެއް ފަރާތްތަކުން ތުހުމަތުކުރެއެވެ. މީގެ ކުރިން ބޭއްވި މަޖިލިސް އިންތިޚާބާއި އެހެނިހެން ބައި-އިލެކްޝަންތަކުގައިވެސް ޔާމީންގެ ތާއީދު އޮތް ކެންޑިޑޭޓުންނަށް ވަނީ ނާކާމިޔާބީއާ ކުރިމަތިލާން ޖެހިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0