Read Time:1 Minute, 54 Second
އދ. މާމިގިލީގެ ސިޔާސީ ތާރީޚުގައި ފުރަތަމަ ފަހަރަށް ޖުމްހޫރީ ޕާޓީގެ މެޖޯރިޓީ ގެއްލި، ސަރުކާރު ހިންގާ ޕީއެންސީން ބޮޑު ކާމިޔާބީއެއް ހޯދައިފިއެވެ. މިދިޔަ ހޮނިހިރު ދުވަހު ބޭއްވި ލޯކަލް ކައުންސިލް އިންތިޚާބުގައި މާމިގިލީ ކައުންސިލްގެ ފަސް ގޮނޑީގެ ތެރެއިން ދެ ގޮނޑި ޕީއެންސީން ކާމިޔާބު ކުރިއިރު، އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ ރައީސާގެ މަޤާމާއި އިތުރު ދެ ގޮނޑިވެސް ވަނީ އެ ޕާޓީން ހޯދާފައެވެ. އަބަދުވެސް ޤާސިމް އިބްރާހިމްގެ ފުރިހަމަ ކޮންޓްރޯލް އޮންނަ މާމިގިލީގައި މިފަހަރު ޕީއެންސީން ވާދަކޮށް ގިނަ ގޮނޑިތަކެއް ހޯދުމަކީ އެރަށުގެ ސިޔާސީ މަސްރަޙަށް އައި ބޮޑު ބަދަލެކެވެ. ކައުންސިލްގެ ރައީސްކަން ޖޭޕީއަށް ލިބުނު ނަމަވެސް، އެ މަޤާމަށް ވާދަކުރި ޕީއެންސީގެ ކެންޑިޑޭޓް ބަލިވީ ވަރަށް ކުޑަ ވޯޓު ތަފާތަކުންނެވެ. މިއީ މާމިގިލިން ޖުމްހޫރީ ޕާޓީގެ މެޖޯރިޓީ ގެއްލުނު ފުރަތަމަ ފަހަރު ކަމަށްވާއިރު، މިއީ އެ ދާއިރާގެ ޒުވާނުން ދިން ވަރުގަދަ މެސެޖެއްގެ ގޮތުގައި ބެލެވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
100 %
0
0