Read Time:2 Minute, 0 Second
އއ. އުކުޅަހަކީ ސިޔާސީ ޕާޓީތައް އުފެދުނީއްސުރެ އެމްޑީޕީގެ ބޮޑު ތާއީދެއް އޮންނަ ރަށަކަށް ވީނަމަވެސް، އިއްޔެ ބޭއްވި ލޯކަލް ކައުންސިލް އިންތިހާބުގައި އެ ރަށު ކައުންސިލްގެ ހުރިހާ ގޮނޑިއެއް ޕީއެންސީން ވަނީ ކާމިޔާބުކޮށްފައެވެ. މި ނަތީޖާއާއެކު، ލާމަރުކަޒީ ނިޒާމު ފެށުނީއްސުރެ ތިން ދައުރު ވަންދެން ކައުންސިލްގެ ރައީސްކަން ކުރެއްވި އެމްޑީޕީގެ ޝައުކަތު އިބްރާހިމް ވަނީ ޕީއެންސީގެ އަލީ ވަހީދުގެ އަތުން ބަލިވެފައެވެ.
ކައުންސިލްގެ ތިން ގޮނޑީގެ އިތުރުން އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ދެ ގޮނޑިވެސް ޕީއެންސީން ކާމިޔާބުކުރިއިރު، އެމްޑީޕީއަށް ލިބުނީ އެ ކޮމިޓީގެ އެންމެ ގޮނޑިއެކެވެ. މިއީ އެމްޑީޕީގެ މުހިންމު ނިންމުންތަކާއި ކޮންގްރެސްތައް ބާއްވާފައިވާ، އެ ޕާޓީގެ ވަރުގަދަ ކިއްލާއެއްގެ ގޮތުގައި ބެލެވުނު އުކުޅަހުން އެމްޑީޕީއަށް ކުރިމަތިވި ބޮޑު ނާކާމިޔާބީއެކެވެ. މި ނަތީޖާއާ ގުޅޭގޮތުން ސަރުކާރުން ބުނެފައިވަނީ މިއީ އުކުޅަހުގެ ރައްޔިތުން ތަރައްގީއަށް ބޭނުންވެ، ސަރުކާރާއެކު ތިބިކަން ހާމަވި ކަމެއް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0