Read Time:1 Minute, 49 Second
(ފޮޓޯ ކްރެޑިޓްސް: އެމްޓީސީސީ)
ސަރުކާރުން އަލަށް ތަޢާރަފްކުރި “މާލެ ޓެކްސީ” ލައިންގެ ޚިދުމަތަށް ބޭނުންކުރާ ތިމާވެއްޓާ ރައްޓެހި ދެ އީވީ ކާރު ވިލިމާލެއަށް ގެންގޮސް، އެ ރަށުގެ ދަތުރުފަތުރުގެ ނިޒާމު ހަރުދަނާކުރުމުގެ މަސައްކަތް އެމްޓީސީސީން ވަނީ ފަށާފައެވެ. ރައީސުލްޖުމްހޫރިއްޔާ އިފްތިތާޙުކޮށްދެއްވި މި ޚިދުމަތުގައި ވިލިމާލޭގައި ބޭނުންކުރާނީ ލުމީ މޮޑެލްގެ ދެ ޓެކްސީއެވެ. މި މަހުގެ ނުވަވަނަ ދުވަހުގެ ނިޔަލަށް މި ޚިދުމަތް މުޅިން ހިލޭ ފޯރުކޮށްދޭއިރު، 1655 ހޮޓްލައިން މެދުވެރިކޮށް މިހާރު ދަތުރުތައް ބުކް ކުރެވޭނެއެވެ. ޒަމާނީ ޓެކްނޮލޮޖީ ބޭނުންކޮށްގެން ދޭ މި ޚިދުމަތުގައި މަގުމަތިން އަތްނަގައިގެން ޓެކްސީ ނުނެގޭނެ ކަމަށާއި، ކުރިއަށް އޮތް ތަނުގައި ވެބް އެޕްލިކޭޝަނާއި ފޯން އެޕް މެދުވެރިކޮށް ޚިދުމަތް ހޯދޭނެ އިންތިޒާމު ހަމަޖެހިގެންދާނެއެވެ. މި ޚިދުމަތުގެ ސަބަބުން ދަތުރުވެރިންނަށް ރައްކާތެރިކަމާއި އިތުރު ލުއިފަސޭހަކަން ލިބިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0