Read Time:1 Minute, 51 Second
ބޭހާއި މެޑިކަލް ކޮންޒިއުމަބަލްސް ފޯރުކޮށްދިނުމަށް އުފައްދާފައިވާ ސްޓޭޓްފާމާ ކުންފުނިން، ބޭހަށް އޯޑަރުކުރުމާއި އެހީތެރިކަން ހޯދުމަށް ޚާއްޞަ ހޮޓްލައިން 1505 އާއި އޮންލައިން ޕޯޓަލްއެއް ތައާރަފްކޮށްފިއެވެ. 24 ގަޑިއިރު ޚިދުމަތް ލިބޭ މި ހޮޓްލައިން މެދުވެރިކޮށް ރާއްޖޭގެ ކޮންމެ ރަށެއްގައި ހުރެގެންވެސް ބޭހަށް އޯޑަރުކުރެވޭނެ އިންތިޒާމު ވަނީ ހަމަޖައްސާފައެވެ. އަދި އީފާސް މެދުވެރިކޮށް ވަދެވޭ ޕޯޓަލްއިން ބޭހުގެ ސްޓޭޓަސްއާއި ޑެލިވަރީގެ ކަންތައްތައް ވަގުތުން ބަލާލެވޭނެއެވެ. މި ވަސީލަތްތަކުގެ މަގުސަދަކީ ކޮންމެ ވަގުތަކު އަދި ކޮންމެ ތަނެއްގައި ހުރެގެންވެސް ބޭސް ހޯދުމުގައި ދިމާވާ ދަތިތަކަށް އަވަސް ހައްލެއް ހޯދައިދީ، ބޭސް ފޯރުކޮށްދިނުމުގެ ނިޒާމު ހަރުދަނާކުރުމެވެ. 2025 ވަނަ އަހަރު އުފެއްދި ސްޓޭޓްފާމާގެ މައިގަނޑު އަމާޒަކީ ރައްޔިތުންނަށް ބޭނުންވާ ބޭހާއި މެޑިކަލް ސާމާނު ލިބުމުގައި ހުރި ދަތިތައް ނައްތާލައި، ފަސޭހަކަމާއެކު އެ ތަކެތި ފޯރުކޮށްދިނުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0