Read Time:2 Minute, 25 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ދިވެހިރާއްޖޭގައި އެކުވެރިކަމާއި އުފާވެރިކަން ގެނުވައިދޭ އެންމެ ބޮޑު ހަރަކާތަކީ ފުޓުބޯޅައެވެ. މިގޮތުން މި މަހުގެ 31 ވަނަ ދުވަހު ގަލޮޅު ދަނޑުގައި ޓިމޯ ލެސްޓޭއާ ދެކޮޅަށް ކުޅޭ މެޗަކީ ދިވެހި ގައުމީ ޓީމަށް ވަރަށް މުހިންމު މެޗެކެވެ. މީގެ ކުރިން ކުޅުނު ކޮލިފައިން މެޗުތަކުން ރާއްޖެއަށް ނާކާމިޔާބީއާ ކުރިމަތިލާން ޖެހުނީ ދިވެހި ފުޓުބޯޅައިގެ އެންމެ ދަތި ދުވަސްވަރު މެޗުތައް ކުޅެން ޖެހުމުންނެވެ. ނަމަވެސް މިހާރު ރާއްޖޭގެ ލީގު އަލުން ފަށައި، ހާލަތު ބަދަލުވަމުންދާއިރު، މިއީ ކުރީގެ ހިތްދަތި ނަތީޖާތަކުން އަރައިގަންނަން ލިބޭ ރަނުގެ ފުރުސަތެކެވެ.
މި މެޗަށް އެކުލަވާލި ސްކޮޑުގައި ރާއްޖޭގެ އެންމެ މޮޅު ކުޅުންތެރިޔާ އަލީ އަޝްފާގް (ދަގަނޑޭ) އާއި އިތުރު ތަޖުރިބާކާރު ކުޅުންތެރިން ހިމެނެއެވެ. ފީފާ ރޭންކިންގައި ރާއްޖެއަށްވުރެ ފަހަތުގައި އޮތް ޓިމޯ ލެސްޓޭއިން ވެސް ދަނީ މި މެޗަށް ވަރުގަދައަށް ތައްޔާރުވަމުންނެވެ. މުބާރާތަށް ކޮލިފައިވުމުގެ ފުރުސަތު ރާއްޖެއަށް ގެއްލިފައި އޮތް ނަމަވެސް، މިއީ ރާއްޖޭގެ ފުޓުބޯޅަ އަލުން ކޮޅަށް ޖެހުމަށާއި، ކުޅުންތެރިންގެ ހުނަރު ސާބިތުކޮށްދިނުމަށް ލިބޭ މުހިންމު ފުރުސަތެކެވެ. އެހެންކަމުން މި މެޗުގައި ސަޕޯޓަރުންގެ އެހީތެރިކަމަށް މުޅި ޓީމު އުއްމީދުކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0