Read Time:1 Minute, 58 Second
(ފޮޓޯ ކްރެޑިޓްސް: ރައީސް އޮފީސް)
މިއަހަރުގެ މިހާތަނަށް ކައުންސިލްތަކަށް ބްލޮކް ގްރާންޓުގެ ގޮތުގައި 634 މިލިޔަން ރުފިޔާ ދޫކޮށްފައިވާ ކަމަށް މާލީ ވުޒާރާގެ ތަފާސްހިސާބުތަކުން ދައްކައެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު 18 އިންސައްތައިގެ އިތުރުވުމެކެވެ. މިއަހަރުގެ ބަޖެޓުގައި ކައުންސިލްތަކަށް ޖުމްލަ 2.5 ބިލިޔަން ރުފިޔާ ކަނޑައަޅާފައިވާއިރު، މިއީ ރާއްޖޭގެ ތާރީޚުގައިވެސް ކައުންސިލްތަކަށް އެންމެ ބޮޑު ބަޖެޓެއް ހަމަޖެއްސި އަހަރެވެ. ސަރުކާރުން މިހާރު ވަނީ ކައުންސިލްތަކަށް ފައިސާ ދޫކުރާ އުސޫލަށް ބަދަލުތަކެއް ގެނައުމަށް ނިންމާފައެވެ. އެގޮތުން އަތޮޅު ކައުންސިލްތައް އުވާލައި، ރަށު އަދި ސިޓީ ކައުންސިލްތަކަށް ލިބޭ ފައިސާ އިތުރުކުރުމުގެ އިތުރުން، ކުރިއަށް އޮތްތަނުގައި ފައިސާ ކަނޑައެޅުމުގައި އާބާދީގެ އިތުރުން ރަށުގެ ބިމުގެ ބޮޑުމިނަށް ބެލުމަށް ވަނީ ހަމަޖެހިފައެވެ. މި ބަދަލުތަކުގެ މަގުސަދަކީ ކައުންސިލްތަކުގެ މާލީ ތަނަވަސްކަން އިތުރުކޮށް ތަރައްޤީގެ މަސައްކަތްތައް ހަރުދަނާކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0