Read Time:1 Minute, 51 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ބޭންކް އޮފް މޯލްޑިވްސް (ބީއެމްއެލް) ގެ ހިއްސާގެ އޮނިގަނޑަށް ގެންނަ ބަދަލުތަކަކީ ޒުވާން އިންވެސްޓަރުންނަށް ލިބޭ ރަނގަޅު ފުރުސަތެއް ކަމަށް މޯލްޑިވްސް ސްޓޮކް އެކްސްޗޭންޖުން ބުނެފިއެވެ. މި ބަދަލުގެ ދަށުން ބީއެމްއެލްގެ ކޮންމެ ހިއްސާއަކަށް ދެ ބޯނަސް ހިއްސާ ދިނުމަށާއި، ހިއްސާ ބައިކޮށްގެން ހިއްސާއެއްގެ މޫނުމަތީ އަގު 50 ރުފިޔާއިން 5 ރުފިޔާއަށް ކުޑަކުރުމަށް ވަނީ ނިންމާފައެވެ. މީގެ ސަބަބުން މިހާރު 800 ރުފިޔާގައި ހުރި ބީއެމްއެލްގެ ހިއްސާގެ އަގު ބާޒާރުގައި ހެޔޮވެ، އަލަށް ހިއްސާ ގަންނަން ބޭނުންވާ ފަރާތްތަކަށް ފަސޭހަވެގެންދާނެއެވެ. މި ބަދަލަކީ ހިއްސާގެ ބާޒާރުގައި ޒުވާނުންގެ ބައިވެރިވުން އިތުރުކުރުމަށާއި މާކެޓްގެ ހަރަކާތްތެރިކަން އިތުރުކުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން ހިއްސާގެ މުއާމަލާތްތައް ފަސޭހަކުރުމަށް ‘އިންފިނިޓީ’ އެޕްލިކޭޝަން ތައާރަފުކުރުމުގެ މަސައްކަތްވެސް ދަނީ ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0