Read Time:2 Minute, 11 Second
(ފޮޓޯ ކްރެޑިޓްސް: ރޮއިޓާރސް)
ޔަހޫދީންނާއި އެމެރިކާއިން އީރާނަށް ދެމުންދާ ހަމަލާތަކާ ގުޅިގެން ފެށުނު ހަނގުރާމަ ދިގުލައިދިއުމުގެ ސަބަބުން ދުނިޔޭގެ އިޤްތިޞާދަށާއި ހަކަތައިގެ ދާއިރާއަށް ބޮޑެތި ގޮންޖެހުންތަކެއް ވަނީ ކުރިމަތިވެފައެވެ. ޚާއްޞަކޮށް ހުރުމުޒު ކަނޑުއޮޅި ބަންދުވުމުން ތެލާއި ގޭހުގެ އަގު އިންތިހާއަށް އުފުލި، އޭޝިޔާގެ ޤައުމުތަކުން ދަނީ ރައްކާތެރިކަމުގެ ފިޔަވަޅުތައް އަޅަމުންނެވެ. މިގޮތުން ހަކަތައިގެ ކުއްލި ހާލަތު އިޢުލާނުކުރުމާއި، ތެލުގެ ރިޒާވް ބޭނުންކުރުމާއި، ކާބޯތަކެތި ރައްކާކުރުން ފަދަ ކަންކަން ދަނީ އިތުރުވަމުންނެވެ.
ހަނގުރާމަ ދިގުލައިދާނަމަ ތެޔޮ ފީފާއެއްގެ އަގު 150 ޑޮލަރަށް އަރާނެކަމަށް ބެލެވޭއިރު، މީގެ ސަބަބުން ދަތުރުފަތުރަށާއި މުދާ އުފައްދާ މެނުފެންޗަރިންގ ދާއިރާއަށް ވަނީ ނޭދެވޭ އަސަރުތަކެއް ކުރަން ފަށާފައެވެ. ބައެއް ޤައުމުތަކުން އަމިއްލަ ބޭނުމަށްޓަކައި ތަކެތި ބޭރުކުރުން މަޑުޖައްސާލާފައިވާއިރު، ހަނގުރާމަ ހުއްޓުނު ކަމުގައިވިޔަސް، އިޤްތިޞާދީ ގޮތުންނާއި ސަޕްލައި ޗެއިނަށް ލިބުނު ގެއްލުންތަކުގެ އަސަރު އެތައް ދުވަހަކަށް ދެމިގެންދާނެ ކަމަށް މާހިރުން ލަފާކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0