Read Time:3 Minute, 0 Second
ހުޅުމާލޭގެ 901 އަކަފޫޓަށް ވުރެ ބޮޑެތި ގޯތިތަކުގައި 10 ބުރިއަށް (30.5 މީޓަރު) އިމާރާތް ކުރެވޭ ގޮތަށް ހުޅުމާލޭގެ ޑިވެލޮޕްމަންޓް ކޮންޓްރޯލް ގަވާއިދު އިސްލާހުކޮށްފިއެވެ. ނަމަވެސް، އެއާޕޯޓާ ކައިރި ނެއިބަހުޑް 9 އެއްގައި އެންމެ އުސްކޮށް އިމާރާތް ކުރެވޭނީ 18.5 މީޓަރަށެވެ.
އާ ގަވާއިދުގައިވާ ގޮތުން އިމާރާތް ކުރެވޭނެ އުސްމިން ކަނޑައަޅާފައިވަނީ ބިމުގެ ބޮޑުމިނަށް ބަލައިގެންނެވެ. އެގޮތުން 400 އަކަފޫޓަށް ވުރެ ކުޑަ ބިންތަކުގައި އެއް ފަންގިފިލާއަށް އިމާރާތް ކުރެވޭއިރު، ބިމުގެ ބޮޑުމިން އިތުރުވާ ވަރަކަށް ފަންގިފިލާގެ އަދަދު އިތުރުކުރެވޭނެއެވެ. 18.5 މީޓަރަށް ވުރެ އުސްކޮށް ހަދާ އިމާރާތްތަކުގެ ގްރައުންޑް ފްލޯ ޕާކިންއަށް ހާއްސަކުރަން ޖެހޭއިރު، ފުރަތަމަ ފަންގިފިލާ ބޭނުންކުރަން ޖެހޭނީ ދިރިއުޅުން ނޫން އެހެން ބޭނުންތަކަށެވެ. އަދި ބޭސްމަންޓެއް ހަދައި އެތަން ޕާކިންއަށް ހާއްސަކުރާ ނަމަ ގްރައުންޑް ފްލޯ އެހެން ބޭނުންތަކަށް ބޭނުންކުރުމުގެ ފުރުސަތު ލިބޭނެއެވެ.
އިމާރާތް ކުރުމުގެ ކުރިން އެޗްޑީސީން ކުރެހުން ފާސްކޮށް ހުއްދަ ހޯދަން ޖެހޭއިރު، ގޯތީގެ އިން ވަކިކުރުމުގެ މަސައްކަތްވެސް އެޗްޑީސީން ކޮށްދޭނެއެވެ. މީގެ އިތުރުން، ދިރިއުޅުމަށް ދޫކޮށްފައިވާ މި ބިންތަކުގައި ސިނާއީ މަސައްކަތް ކުރުމާއި، ނުރައްކާތެރި ތަކެތި ރައްކާކުރުމާއި، އާންމުންނަށް އުނދަގޫވާ ފަދަ ކަންކަން ކުރުން ވަނީ މަނާކޮށްފައެވެ. އަދި އިމާރާތްތަކުގައި ވިޔަފާރި ކުރާ ތަންތަން ހަދާއިރު ނުކުޅެދުންތެރިކަން ހުންނަ މީހުންނަށް ފަސޭހައިން ވަދެނިކުމެވޭނެ އިންތިޒާމު ހުންނަން ޖެހޭނެ ކަމަށްވެސް ގަވާއިދުގައި ބުނެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0