Read Time:1 Minute, 43 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ބޭންކް އޮފް މޯލްޑިވްސް (ބީއެމްއެލް) އިން އަލަށް ފެށި “އެފޯޑަބަލް ހައުސިންގ” މަޝްރޫޢުގެ ދަށުން ތަރައްޤީކުރާ ތިން ކޮޓަރީގެ އެޕާޓްމަންޓްތަކުގެ މަހު ކުލި ގާތްގަނޑަކަށް 10,000 ރުފިޔާގައި ހުންނާނެ ކަމަށް އެ ބޭންކުގެ ސީއީއޯ މުޙައްމަދު ޝަރީފް ވިދާޅުވެއްޖެއެވެ. މިއީ ބާޒާރުގެ މިހާރުގެ އަގުތަކާ އަޅާބަލާއިރު ރައްޔިތުންނަށް ލިބޭނެ ވަރަށް ބޮޑު ލުޔެކެވެ. ސަރުކާރާ ގުޅިގެން ކުރިއަށްގެންދާ މި މަޝްރޫޢުގެ ދަށުން ހުޅުމާލެ ފޭސް 1، ފޭސް 3 އަދި ވިލިމާލޭގައި ޖުމުލަ 3,260 ހައުސިންގ ޔުނިޓް ތަރައްޤީކުރުމަށް ވަނީ ހަމަޖެހިފައެވެ. ރާއްޖޭގެ އަދި ބޭރުގެ ކުންފުނިތަކާ ހަވާލުކޮށްގެން ކުރިއަށްގެންދާ މި މަސައްކަތްތައް 2028 ވަނަ އަހަރުގެ މެދުތެރެއަށް ނިންމާލުމަކީ ބޭންކުގެ އަމާޒެކެވެ. މި ފްލެޓްތަކަކީ ކުލި ދައްކާ ޚަލާސްކުރުމުން މިލްކުވާ ގޮތަށް ދޫކުރާނެ ފެންވަރު ރަނގަޅު ތަންތަނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0