Read Time:3 Minute, 2 Second
(ފޮޓޯ ކްރެޑިޓްސް: ވަގުތު)
މޫސާ އަލީ ޖަލީލް ދެކެވަޑައިގަންނަވާ ގޮތުގައި މާލެ ސިޓީގެ މޭޔަރުގެ މަގާމަކީ ސިޔާސީ މަގާމެއް ނޫން ކަމަށާއި، އެއީ ރައްޔިތުންނަށް މުނިސިޕަލް ހިދުމަތްތައް ފޯރުކޮށްދިނުމަށް އޮތް މަގާމެކެވެ. ސިފައިންގޭގައި 32 އަހަރު ހިދުމަތްކުރައްވައި، ނޮވެމްބަރު 3 ގެ އުދުވާނީ ހަމަލާއިން ގައުމު ސަލާމަތްކުރުމުގައި އިސް ދައުރެއް އަދާކުރެއްވި ޖަލީލް މިފަހަރު ނުކުންނަވަނީ މާލޭގެ މޭޔަރުކަމަށް ވާދަކުރައްވާށެވެ. އޭނާގެ އަމާޒަކީ ވަކި ފިކުރަކަށް ބެލުމެއް ނެތް، ހުރިހާ ރައްޔިތުންނަށް އިންސާފުވެރިކަމާއެކު ހިދުމަތްކުރާ ހާދިމަކަށް ވުމެވެ.
މާލޭގެ ތަރައްގީއަށް އެކަށީގެންވާ ބަދަލެއް ނައީ ހިންގުންތެރިކަމުގެ މައްސަލަތަކުން ކަމަށް ވިދާޅުވަމުން، ޖަލީލް ފާހަގަކުރެއްވީ ރައީސް ޑރ. މުއިއްޒު މޭޔަރުކަމުގައި ކުރެއްވި މަސައްކަތްތަކަކީ ނަމޫނާއެއް ކަމަށެވެ. މާލޭގެ ތޮއްޖެހުން ހައްލުކުރުމަށް މަގުތައް ފުޅާކުރުމުގެ ބަދަލުގައި އެކި ސަރަހައްދުތަކުގައި ޕާކިން ބިލްޑިންތައް އެޅުމަކީ އޭނާގެ ވިސްނުމެވެ. އަދި މާލޭގެ ރައްޔިތުން ދިރިއުޅެމުންދާ ދަތި ހާލަތާއި ގޯތިގެދޮރުގެ މައްސަލަތައް ހައްލުކުރުމަށް ސަރުކާރާ ގުޅިގެން މަސައްކަތްކުރެއްވުމަކީ އޭނާގެ އެންމެ ބޮޑު އިސްކަމެވެ.
ޖަލީލް ވިދާޅުވި ގޮތުގައި މާލެ ސިޓީ ކައުންސިލަކީ ސަރުކާރުގެ ބައެއް ކަމަށް ގަބޫލުކޮށް، ސަރުކާރާ އެކު ގުޅިގެން މަސައްކަތްކޮށްގެން ނޫނީ ރައްޔިތުން އެދޭ ތަރައްގީއެއް ނުލިބޭނެއެވެ. އެހެންކަމުން، ރައީސް މުއިއްޒުގެ ސްޓްރެޓިޖިކް ޕްލޭން ތަންފީޒުކޮށް، މާލެއަކީ ދިރިއުޅެން ފަސޭހަ، ފެހި ތަނަކަށް ހެދުމަށް އޭނާ ހުރީ ތައްޔާރަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0