Read Time:2 Minute, 42 Second
(ފޮޓޯ ކްރެޑިޓްސް: ރައީސް އޮފީސް)
އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ވިދާޅުވީ، މެދުއިރުމަތީގެ ހަނގުރާމައާ ގުޅިގެން ރާއްޖެއަށް ކާބޯތަކެތި ލިބުމުގައި ދަތިތަކެއް ކުރިމަތިވެދާނެ ކަމުގެ ކަންބޮޑުވުންތައް ހުރި ނަމަވެސް، ސަރުކާރުން ދަނީ ކާބޯތަކެތި ހުއްޓުމެއް ނެތި ރާއްޖެއަށް ފޯރުކޮށްދިނުމަށް ގިނަ މަސައްކަތްތަކެއް ކުރަމުންކަމަށެވެ. އެގޮތުން، ކުރިން ބޭނުންނުކުރާ ބައެއް ބާޒާރުތަކާ ގުޅިގެން ވިޔަފާރި ފުޅާކުރުމުގެ މަސައްކަތް ކުރަމުންދާ ކަމަށް ވިދާޅުވިއެވެ. ޚާއްސަކޮށް، އިންޑޮނޭޝިއާ، އޮމާން، ތައިލަންޑު، މެލޭޝިއާ، ކެމްބޯޑިއާ، އަދި ޗައިނާ ފަދަ ޤައުމުތަކުން ކުރިއަށްވުރެ ގިނައިން މުދާ ގެންނަމުންދާ ކަމަށް ވިދާޅުވިއެވެ. ތައިލަންޑާ އެކު ވިޔަފާރީގެ ރަސްމީ އެއްބަސްވުމެއްގައި ވެސް ސޮއިކޮށްފައިވާ ކަމަށް ވިދާޅުވިއެވެ.
މީގެ އިތުރުން، އެފްރިކާގެ ބައެއް ޤައުމުތަކާ ގުޅިގެން ވިޔަފާރީގެ ގުޅުން ބިނާކުރުމަށް ވިސްނަވާ ކަމަށާއި، ކަނޑު އަދި ވައިގެ ލިންކުތައް ޤާއިމްކުރުމަށް ޓްރާންސްޕޯޓް މިނިސްޓްރީއާ ގުޅިގެން މަސައްކަތް ކުރަމުންދާ ކަމަށް ވިދާޅުވިއެވެ. ވަޒީރު ފާހަގަކުރެއްވި ގޮތުގައި، ޗައިނާ-ރާއްޖެ މިނިވަން ވިޔަފާރި އެއްބަސްވުމުގެ ދަށުން ވެސް ގިނަ ކަންތައްތަކެއް ކުރިއަށްދާ ކަމަށާއި، ދިގު މުއްދަތަށް ދެމިގެންދާ ވިޔަފާރީގެ ޕްލޭނެއްގެ ދަށުން ހުރިހާ ކަމެއް ކުރިއަށް ގެންދިއުމަށް ސަރުކާރުން ދަނީ ތައްޔާރުވަމުންކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0