Read Time:2 Minute, 30 Second
(ފޮޓޯ ކްރެޑިޓްސް: ރައީސް އޮފީސް)
ދުނިޔޭގެ ޓީބީ ދުވަހާ ގުޅިގެން ރައީސް ޑރ. މުހައްމަދު މުއިއްޒު ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވިދާޅުވީ، ޓީބީ ބަލީގެ ނިސްބަތް މަދު ގައުމެއްގެ ގޮތުގައި ރާއްޖެ އޮތުމަކީ ފަޚުރެއްކަމަށެވެ. ޓީބީއަކީ ރައްކާތެރިވެވި ފަރުވާކޮށް ރަނގަޅުކުރެވޭ ބައްޔަކަށްވީ ނަމަވެސް، ދުނިޔޭގެ އެތައް މިލިޔަން ބަޔަކަށް މިބަލީގެ ނުރައްކާ ކުރިމަތިވަމުންދާ ކަމަށް ރައީސް ފާހަގަކުރެއްވިއެވެ. ބަލި ނައްތާލުމަށް ހަރުދަނާ ޞިއްޙީ ނިޒާމަކާއި މުޖުތަމައުގެ ބައިވެރިވުން ކޮންމެހެން ބޭނުންކަމަށް ވިދާޅުވަމުން، ބަލި ދެނެގަތުމުގެ ނިޒާމު ހަރުދަނާކޮށް ޓެސްޓާއި ފަރުވާ ފަސޭހައިން ލިބޭނެ މަގު ތަނަވަސްކުރުމުގައި ރާއްޖެއިން ގިނަ މަސައްކަތްތަކެއް ކުރަމުން އަންނަ ކަމަށް ވިދާޅުވިއެވެ. ޓީބީން ސަލާމަތްވެފައިވާ މުސްތަގުބަލަކަށް ވާސިލުވުމަށް ޞިއްޙީ ޚިދުމަތްތެރިންނާއި މުޖުތަމައު ގުޅިގެން މަސައްކަތް ވަރުގަދަ ކުރުމަށް ރައީސް ގޮވާލެއްވިއެވެ. ކޮންމެ އަހަރެއްގެ މާރިޗު 24 ވަނަ ދުވަސް ދުނިޔޭގެ ޓީބީ ދުވަހުގެ ގޮތުގައި ފާހަގަކުރަނީ ބަލީގެ ހޭލުންތެރިކަން އިތުރުކުރުމުގެ ބޭނުމުގައެވެ. ރާއްޖޭގައި 1994 ވަނަ އަހަރުން ފެށިގެން ބައިނަލްއަޤުވާމީ މިންގަނޑުތަކާ އެއްގޮތަށް ޑޮކްޓަރުންގެ ސީދާ އިރުޝާދާ އެކު ޓީބީ ފަރުވާ ދެވޭ އިންތިޒާމު ހަމަޖެހިފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0