Read Time:2 Minute, 17 Second
(ފޮޓޯ ކްރެޑިޓްސް: ޙާރިޖީ ވުޒާރާ)
އެމެރިކާ ސަރުކާރުން ދެކުނު އަދި މެދުތެރޭ އޭޝިއާއަށް ކަނޑައަޅާފައި ހުންނަވާ ހާއްސަ މަންދޫބު ސާޖިއޯ ގޯ، ރާއްޖެއަށް ކުރެއްވި ރަސްމީ ދަތުރުފުޅު ނިންމަވާލެއްވުމަށްފަހު ފުރާވަޑައިގެންފިއެވެ. މި ދަތުރުފުޅުގައި އޭނާ ވަނީ ފޮރިން މިނިސްޓަރު ޑރ. އަބްދުﷲ ހަލީލާއި ޑިފެންސް މިނިސްޓަރު ޣައްސާން މައުމޫނާ ބައްދަލުކުރައްވާފައެވެ. ނަމަވެސް، ރައީސް ޑރ. މުހައްމަދު މުއިއްޒުއާ ބައްދަލުކުރެއްވުމަށް އެދިވަޑައިގެންނެވި ނަމަވެސް އެ ބައްދަލުވުން ކުރިއަށް ގޮސްފައެއް ނުވެއެވެ.
މިކަމާ ގުޅޭގޮތުން ރައީސް މުއިއްޒު ވިދާޅުވީ، އިޒްރޭލު ފިޔަވައި އެހެން ކޮންމެ ގައުމެއްގެ އިސްބޭފުޅަކު ރާއްޖެ ވަޑައިގަތުމަށް އެދިވަޑައިގަތަސް އެ ފުރުސަތު ދެއްވާނެ ކަމަށެވެ. އެހެންނަމަވެސް، މެދުއިރުމަތީގައި ހިނގަމުންދާ ހަނގުރާމައާ ގުޅޭގޮތުން އެމެރިކާގެ މަންދޫބާ ދައްކަވާނެ އެއްވެސް ވާހަކަފުޅެއް ނޯންނާނެ ކަމަށާއި، ރާއްޖޭގެ އެއްވެސް ސަރަހައްދެއް އެއްވެސް ހަނގުރާމައެއްގެ ބޭނުމަށް ބޭނުންކުރުމުގެ ހުއްދަ ނުދެއްވާނެ ކަމަށް ރައީސް ސަރީހަކޮށް ވިދާޅުވިއެވެ. ސާޖިއޯގެ މި ދަތުރުފުޅަކީ ރާއްޖެއާއި ސްރީލަންކާއަށް ކުރައްވާ ހަތަރު ދުވަހުގެ ދަތުރުފުޅެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0