Read Time:2 Minute, 40 Second
ރިޔާސީ އިންތިޚާބާއި މަޖިލިސް އިންތިޚާބު އެއްދުވަހެއްގައި ބޭއްވުމަށް ޤާނޫނުއަސާސީއަށް ގެންނަ އިޞްލާޙާ ގުޅޭގޮތުން ނަގާ ފެންނަ ނުފެންނަ ވޯޓަކީ ޣައިރު ދުސްތޫރީ ކަމެއް ކަމަށް ކުރީގެ އުއްތަމަފަނޑިޔާރު ޑރ. އަޙްމަދު ޢަބްދުﷲ ދީދީ ވަނީ ބުނެފައެވެ. އޭނާ ފާހަގަކުރި ގޮތުގައި މަޖިލީހުގެ ދައުރުން ބޭރުން ޖަލްސާ ބާއްވައިގެން ގެންނަ މިފަދަ އިޞްލާޙުތަކަކީ ޤާނޫނީ ބާރެއް އޮންނާނެ ކަންކަމެއް ނޫނެވެ. އަދި ރައީސުލްޖުމްހޫރިއްޔާ ކުރައްވާފައިވާ ސުވާލުގެ އިބާރާތް ހުރިގޮތުން، އެއީ ޤާނޫނުއަސާސީ ތަޞައްވުރުކުރާ ފަދަ ސުވާލެއް ނޫން ކަމަށްވެސް އޭނާ ބުންޏެވެ.
ނަމަވެސް، ޤާނޫނުއަސާސީ އިޞްލާޙުކުރުމަކީ މަޖިލީހަށް ލިބިދޭ ބާރަކަށްވާއިރު، ވަކި ކަންކަމުގައި ރައްޔިތުންގެ ލަފާ ހޯދުމަށް ވޯޓު ނެގުމަކީ ލާޒިމް ކަމެކެވެ. ރައްޔިތުންނާ ކުރެވޭ ސުވާލުގެ ޖަވާބުން އެކަމަށް ރައްޔިތުން ރުހޭކަން ނުވަތަ ނޫންކަން ސާފުވާނެއެވެ. ޑރ. ދީދީގެ ފާޑުކިޔުންތަކަށް ބަލާއިރު، އޭނާގެ ފަނޑިޔާރުކަމުގެ މާޒީގައި ނެރުނު ބައެއް އަމުރުތަކާއި، ޤާނޫނާ ޚިލާފުވި ކަމަށް ބުނާ މައްސަލަތަކުގެ ސަބަބުން މަޖިލީހުން އޭނާ މަޤާމުން ވަކިކޮށްފައިވާކަން ފާހަގަކުރެވެއެވެ. މީގެ ކުރިން ޤާނޫނުއަސާސީއަށް ގެނެވުނު ބައެއް ބޮޑެތި އިޞްލާޙުތަކާ މެދު އޭނާ އެއްވެސް އެއްޗެއް ބުނެފައި ނުވާއިރު، މިހާރު ދައްކާ ވާހަކަތަކަކީ ސިޔާސީ މަޤްޞަދެއް އޮތް ކަމެއްގެ ގޮތުގައި ބައެއް ފަރާތްތަކުން ދެކެއެވެ.
Happy
50 %
Sad
50 %
Excited
0 %
Sleepy
0 %
Angry
0 %
Surprise
0 %
0
0