Read Time:2 Minute, 31 Second
(ފޮޓޯ ކްރެޑިޓްސް: ބިނާރާބެހޭ ވުޒާރާ)
ޒަމާނީ ފެންވަރަށް ސަލްޓަން ޕާކު ތަރައްޤީކުރުމުގެ މަސައްކަތްތައް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބައްލަވާލައްވައިފިއެވެ. އެމްއެންޑީއެފް އާއި އާރްޑީސީ ގުޅިގެން ކުރިއަށްގެންދިޔަ މި މަޝްރޫޢުގެ ދަށުން ޕާކުގެ ވޯކްވޭތަކާއި، ޓްރީހައުސް އަދި ކުޑަކުދިން ކުޅޭ ސަރަޙައްދުތައް މަރާމާތުކޮށް، ސީސީޓީވީ ކެމެރާތައް ވަނީ އިތުރަށް ހަރުދަނާކޮށްފައެވެ. މީގެ އިތުރުން ފަހުގެ ޓެކްނޮލޮޖީއާއެކު އޯވަރހެންޑް އޮބްސްޓެކްލް ކޯރސް އާއި ޝޫޓިންގ ރޭންޖް ފަދަ އާ ވަސީލަތްތައް ވެސް ވަނީ ޤާއިމުކޮށްފައެވެ.
މި ޒިޔާރަތުގައި ރައީސުލްޖުމްހޫރިއްޔާ ވަނީ ފިޠުރު ޢީދުގެ ހަރަކާތްތަކަށް ޕާކު ތައްޔާރުކޮށްފައިވާ ގޮތް ބައްލަވާލައްވައި، މާލޭގައި ދިރިއުޅޭ ރައްޔިތުންނަށް ހިތްފަސޭހަ މާޙައުލެއް ލިބޭނެހެން މި ސަރަޙައްދު އިތުރަށް ތަރައްޤީކުރައްވާނެ ކަމުގެ ޔަޤީންކަން ދެއްވާފައެވެ. ސަލްޓަން ޕާކަކީ ރައީސް މުޢިއްޒު ހައުސިންގ މިނިސްޓަރުކަމުގައި ހުންނެވިއިރު ބޮޑެތި ބަދަލުތަކަކާއެކު ތަރައްޤީކުރެއްވި ތަނެއް ނަމަވެސް، ވޭތުވެދިޔަ ސަރުކާރުގައި އެތަނުގެ ނަން ބަދަލުކުރުން ފިޔަވައި އިތުރު އާބާތުރަ ފިލުވުމުގެ މަސައްކަތެއް ކޮށްފައި ނުވާކަން ފާހަގަކުރެވެއެވެ. މިހާރު މި ޕާކު ވަނީ ޢީދުގެ ހަރަކާތްތަކާއެކު އާންމުންނަށް ހުޅުވާލާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0