Read Time:2 Minute, 41 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖެއަށް މިދުވަސްވަރު ހޫނުގަދަވަމުންދާތީ، އިރުގެ ހޫނުން ރައްކާތެރިވުމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވަނީ އިލްތިމާސްކޮށްފައެވެ. މޫސުމާބެހޭ އިދާރާއިން ހާމަކުރާ ގޮތުގައި މާރިޗު އަދި އޭޕްރީލް މަހަކީ އަހަރުގެ އެންމެ ހޫނުގަދަ ދުވަސްވަރެވެ. މި ދުވަސްވަރު ވައި މަޑުވެފައި ތެއްކަން މަތިވުމުގެ ސަބަބުން، އާންމު ހޫނުމިނަށްވުރެ އިހުސާސްކުރެވޭ ހޫނުމިން އިތުރަށް މަތިވެއެވެ. ހޫނުގެ ސަބަބުން އެންމެ ބޮޑު ނުރައްކަލެއް ކުރިމަތިވަނީ ތުއްތު ކުދިންނާއި، އުމުރުން ދުވަސްވީ މީހުންނާއި، މާބަނޑު މީހުންގެ އިތުރުން ދާއިމީ ބަލިތަކަށް ފަރުވާކުރާ މީހުންނަށެވެ. ކުޑަކުދިންގެ ހަށިގަނޑު ހުންނަ ގޮތުން ހޫނު ދަމައިގަންނަ މިންވަރު އަވަސްވެފައި، ހޫނުގެ ސަބަބުން ‘ހީޓް ސްޓްރޯކް’ ޖެހި، ހޭނެތުމާއި ފިޓްޖެހުން ފަދަ ނުރައްކާތެރި ހާލަތްތައް މެދުވެރިވެދާނެ ކަމަށް ޑޮކްޓަރުން އިންޒާރުދެއެވެ.
ރައްކާތެރިވުމުގެ ގޮތުން ހެނދުނު 10 އަކުން ހަވީރު 4 އަކަށް ސީދާ އަވީގައި އުޅުން މަދުކުރުމަށާއި، ގިނައިން ދިޔާ ތަކެތި ބޭނުންކުރުމަށް އެޗްޕީއޭއިން އިރުޝާދުދެއެވެ. އަދި ކުޑަކުދިންނަށް ދޫ، ތުނި ހެދުން ލެއްވުމަށާއި، ގާތުން ކިރުދޭ ކުދިންނަށް ގަވާއިދުން ކިރު ދިނުމަކީ މުހިންމު ކަމެކެވެ. މީގެ އިތުރުން، މިދުވަސްވަރު ތުއްތު ކުދިން އަވީގައި ޖެއްސުމަކީ ރައްކާތެރިކަމެއް ނޫންކަންވެސް ކަމާބެހޭ ފަރާތްތަކުން ފާހަގަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0