Read Time:2 Minute, 20 Second
އީރާނުން އިޒްރޭލާއި އެމެރިކާގެ އަސްކަރީ މަރުކަޒުތަކަށް އަމާޒުކޮށް ދޭ ރައްދު ހަމަލާތަކުގެ ތެރެއިން، ފޯޅަވަހީގައި ހުންނަ އެމެރިކާ އާއި އިނގިރޭސިވިލާތުގެ މަރުކަޒަށް ދެ މިސައިލް ފޮނުވާލާފައިވާ ކަމަށް ވޯލް ސްޓްރީޓް ޖާނަލް އިން ރިޕޯޓްކޮށްފިއެވެ. އީރާނުން ފޮނުވާލި ދުރު ރާސްތާގެ މިސައިލްތަކުގެ ތެރެއިން އެކަތި ޓެކްނިކަލް މައްސަލައަކާ ހުރެ ވެއްޓުނު އިރު، އަނެއް މިސައިލް ހުއްޓުވަން އެމެރިކާގެ މަނަވަރަކުން މަސައްކަތް ކުރި ނަމަވެސް އެކަން ކާމިޔާބުވި ކަމެއް ސާފެއް ނޫނެވެ. މި ހަމަލާއާ ގުޅިގެން އީރާނުންނާއި އެމެރިކާއިން އަދި ރަސްމީކޮށް އެއްޗެއް ބުނެފައި ނުވި ނަމަވެސް، 4،000 ކިލޯމީޓަރު ދުރުގައި އޮންނަ ފޯޅަވައްސަށް ހަމަލާ ދިނުމަކީ އީރާނުގެ މިސައިލް ގާބިލްކަން އިތުރުވެފައިވާ މިންވަރު ހާމަވާ ކަމެއް ކަމަށް ބެލެވެއެވެ. އިނގިރޭސިވިލާތުން ވަނީ އީރާނުގެ މިސައިލް ޑިފެންސަށް ހަމަލާދީ ދިފާއުވުމަށް ފޯޅަވަހި ބޭނުންކުރުމުގެ ހުއްދަ އެމެރިކާއަށް ދީފައެވެ. އީރާނާއި އިޒްރޭލް-އެމެރިކާ ގުޅިގެން ހިންގާ މި ހަނގުރާމައިގައި މިހާތަނަށް 1،300 އަށް ވުރެ ގިނަ މީހުން މަރުވެފައިވާއިރު، އީރާނުން ދަނީ މެދުއިރުމަތީގެ އެކި ގައުމުތަކުގައި ހުރި އެމެރިކާގެ މަރުކަޒުތަކަށް ހަމަލާ ދެމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0