Read Time:1 Minute, 58 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖޭގައި ބާއްވާ 20 އަހަރުން ދަށުގެ ސާފް ޗެމްޕިއަންޝިޕްގައި ވާދަކުރާ ދިވެހި ޒުވާން ޓީމަށް ކާމިޔާބީއަށް އެދި، މުބާރާތުގެ ތަށި ރާއްޖޭގައި ބެހެއްޓުމަކީ ބޮޑު އުންމީދެއް ކަމަށް ގައުމީ ޓީމުގެ ކުރީގެ ކެޕްޓަން އަކްރަމް އަބްދުލްޣަނީ ބުނެފިއެވެ. އަކްރަމް ފާހަގަކުރި ގޮތުގައި މި ޓީމަކީ ހުނަރުވެރި ކުޅުންތެރިން ހިމެނޭ އުންމީދީ ޓީމެކެވެ. އަދި ޓީމުގެ ކޯޗު އިސްތަވާން އުރުބާނީއަށް ފުރިހަމަ އިތުބާރު އެބައޮތް ކަމަށާއި، އޭނާގެ އިރުޝާދުގެ ދަށުން ތަފާތު މޮޅު ކުޅުމެއް ފެންނާނެ ކަމަށް އަކްރަމް ގަބޫލުކުރެއެވެ.
މި މަހުގެ 23 އިން އަންނަ މަހުގެ 3 އަށް ގަލޮޅު ދަނޑުގައި ކުރިއަށްދާ މި މުބާރާތުގައި ހަތް ގައުމަކުން ވާދަކުރެއެވެ. ރާއްޖެ ހިމެނެނީ ސްރީލަންކާ، ނޭޕާލް އަދި ބޫޓާނާއެކު ގްރޫޕް އޭގައެވެ. މުބާރާތް ހުޅުވާ މެޗުގައި ހޯމަ ދުވަހުގެ ރޭ ރާއްޖެ ނުކުންނާނީ ސްރީލަންކާއާ ދެކޮޅަށެވެ. މުބާރާތުގެ ޓިކެޓްތައް 15 ރުފިޔާ އާއި 50 ރުފިޔާއާ ދެމެދުގެ އަގުތަކެއްގައި މާދަމާ ވިއްކަން ފަށާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0