Read Time:2 Minute, 6 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ހުޅުމާލެ ފޭސް 3 ގައި 1000 ހައުސިންގ ޔުނިޓް ތަރައްޤީކުރުމަށް، ކޮންޓްރެކްޓަރުންނަށް ބޮޑެތި ލުއިތަކަކާއެކު ސަރުކާރުން އަލުން ހުޅުވާލައިފިއެވެ. މި މަޝްރޫޢަށް ގެނައި މައިގަނޑު ބަދަލުތަކުގެ ތެރޭގައި، މުޅި މަޝްރޫޢުގެ “ޕްރޫފް އޮފް ފަންޑް” ހުށަހެޅުމުގެ ބަދަލުގައި މާލީ އިދާރާއަކުން ދޫކުރާ “ލެޓަރ އޮފް ކޮމްފޯޓް” ހުށަހެޅުމާއި، މުދާ އެތެރެކުރުމުގައި އިމްޕޯޓް ޑިއުޓީ މާފުކޮށްދިނުން ހިމެނެއެވެ.
100 އިންސައްތަ ދިވެހި ކުންފުނިތަކަށް ޚާއްޞަކޮށްފައިވާ މި މަޝްރޫޢު ކުރިއަށްގެންދަނީ 200 ޔުނިޓްގެ 5 ޕެކޭޖަކަށް ބަހާލައިގެންނެވެ. މީގެ ބޭނުމަކީ ވީހާވެސް ގިނަ ދިވެހި ކުންފުނިތަކަށް ފުރުޞަތު ދިނުން ކަމަށްވާތީ، އެއް ކުންފުންޏަކަށް ގިނަވެގެން ދޫކުރާނީ 400 ޔުނިޓެވެ. މި ފްލެޓްތަކުގެ ތެރެއިން 3 ކޮޓަރީގެ އެޕާޓްމަންޓެއްގެ އެންމެ މަތީ އަގަކީ 2.3 މިލިއަން ރުފިޔާ ކަމަށްވާއިރު، 2 ކޮޓަރީގެ އެޕާޓްމަންޓެއް ވިއްކޭނެ އެންމެ މަތީ އަގަކީ 1.8 މިލިއަން ރުފިޔާއެވެ. މި މަޝްރޫޢަށް ޕްރޮޕޯސަލް ހުށަހެޅުމުގެ ސުންގަޑި މިހާރު ވަނީ މި މަހުގެ 31 އަށް އިތުރުކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0