Read Time:3 Minute, 8 Second
(ފޮޓޯ ކްރެޑިޓްސް: ރޮއިޓާރސް)
ޔަހޫދީންގެ ހަމަލާއެއްގައި އީރާނުގެ ގައުމީ ސަލާމަތާ ބެހޭ ވެރިޔާ އަލީ ލަރިޖާނީ ވަނީ ޝަހީދުވެފައެވެ. އޭނާ ޝަހީދުވެފައި މިވަނީ، މިދިޔަ ފެބުރުއަރީ މަހުން ފެށިގެން އެމެރިކާއާއި ޔަހޫދީން ގުޅިގެން އީރާނަށް ދެމުންދާ ހަމަލާތަކުގައި އެގައުމުގެ ރޫހީ ވެރިޔާ އާޔަތުالله އަލީ ޚާމަނާއީއާއި އޭނާގެ އާއިލާގެ މެންބަރުން ޝަހީދުކޮށްލާފައިވާ ދަނޑިވަޅެއްގައެވެ. ލަރިޖާނީއަކީ ޚާމަނާއީ އަވަހާރަވި ފަހުން ޝަހީދުކޮށްލި އީރާނު ސަރުކާރުގެ އެންމެ އިސް މެންބަރެވެ. ލަރިޖާނީއަކީ އީރާނުގެ ގާނޫނުހަދާ މަޖިލީހުގެ ރައީސްކަމާއި، ނިއުކްލިއަރ މަޝްވަރާތަކުގެ އިސް މަންދޫބުކަން ފަދަ ނުފޫޒުގަދަ މަގާމުތަކެއް ފުރުއްވާފައިވާ ބޭފުޅެކެވެ. އިރާގަށް އުފަން، ދީނީ އިލްމުވެރި އާއިލާއަކަށް ނިސްބަތްވާ ލަރިޖާނީއަކީ ފަލްސަފާގެ ދާއިރާއިން ޕީއެޗްޑީ ހާސިލްކުރައްވާފައިވާ ބޭފުޅެކެވެ. އޭނާ ސިޔާސީ މައިދާނުގައި ފާހަގަކުރެވިފައިވަނީ މަޑުމައިތުރު ބޭފުޅެއްގެ ގޮތުގައި ނަމަވެސް، އިސްލާމީ އިންގިލާބީ ލަޝްކަރުގެ ކޮމާންޑަރުންނާއި ޚާމަނާއީ ޝަހީދުކޮށްލުމާ ގުޅިގެން އޭނާގެ ރާގު ބަދަލުވެ، އެމެރިކާއާއި ޔަހޫދީންނަށް ވަރުގަދަ އިންޒާރުތަކެއް ދެއްވަމުން ގެންދެވިއެވެ.
2025 ވަނަ އަހަރު އަލުން ގައުމީ ސަލާމަތާ ބެހޭ ކައުންސިލްގެ ސެކްރެޓަރީގެ މަގާމާ ހަވާލުވެވަޑައިގަތުމަށްފަހު، ބައިނަލްއަގުވާމީ އެޓޮމިކް ހަކަތައާ ބެހޭ އެޖެންސީއާ އޮތް ގުޅުން ކަނޑާލައްވައި، ހުޅަނގުގެ ނުފޫޒާ ދެކޮޅަށް އޭނާ ވަނީ ވަރުގަދަ ފިޔަވަޅުތަކެއް އަޅުއްވާފައެވެ. ޝަހީދުވުމާ ހަމައަށް ވެސް ލަރިޖާނީ ހުންނެވީ އެމެރިކާއާއި ޔަހޫދީންގެ އުދުވާނުތަކަށް ރައްދު ދިނުމުގެ އެންމެ އިސް ސަފުގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0