Read Time:1 Minute, 50 Second
(ފޮޓޯ ކްރެޑިޓްސް: ރައީސް އޮފީސް)
ވަޒީފާއާބެހޭ ޤާނޫނަށް ގެނައި 9 ވަނަ އިސްލާހު ރައީސުލްޖުމްހޫރިއްޔާ ތަސްދީޤުކުރެއްވުމާއެކު، ވިހެއުމާ ގުޅިގެން ދޭ ޗުއްޓީ ނިމިގެން ވަޒީފާއަށް ނުކުންނަ މުވައްޒަފުންނަށް، ދަރިފުޅުގެ އުމުރުން 2 އަހަރު ވަންދެން ދަރިފުޅުގެ ކަންކަން ބެލެހެއްޓުމަށްޓަކައި މުސާރައިން ނުކެނޑޭ ގޮތަށް ދުވާލަކު ދެ ފަހަރު 30 މިނެޓުގެ ހުސްވަގުތު ދޭންޖެހޭނެއެވެ. މީގެ ކުރިން މި ވަގުތު ދޭންޖެހެނީ ދަރިފުޅަށް 1 އަހަރު ވަންދެނެވެ. މީގެ އިތުރުން، އެއް އަހަރަށްވުރެ ކުރު މުއްދަތެއްގައި ވަޒީފާގައި އުޅޭ މީހުން ވަކިކުރާއިރު ދޭންޖެހޭ ނޯޓިސް މުއްދަތަކީ 2 ހަފުތާ ކަމަށް ކަނޑައަޅައި، ބައެއް ވިޔަފާރިތަކަށް ބިދޭސީން ގެނައުމަށް ދައްކަންޖެހޭ ކޯޓާ ފީން އިސްތިސްނާ ދިނުމުގެ ބާރު ވަޒީރުންގެ މަޖިލީހަށް ވަނީ ދީފައެވެ. އަދި ބައިނަލްއަޤްވާމީ މަސައްކަތްތެރިންގެ ދުވަހަކީ ރަސްމީ ބަންދު ދުވަހެއްގެ ގޮތުގައި މި އިސްލާހުގެ ދަށުން ވަނީ ހަމަޖައްސާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0