Read Time:2 Minute, 42 Second
(ފޮޓޯ ކްރެޑިޓްސް: ރައީސް އޮފީސް)
މެދުއިރުމަތީގައި ފެށުނު ހަނގުރާމައިގެ ސަބަބުން ރާއްޖޭގެ އިޤްތިޞާދަށް ކުރިމަތިވެދާނެ ނޭދެވޭ އަސަރުތައް ކުޑަކުރުމަށް ސަރުކާރުން ވަނީ ހަރުދަނާ ފިޔަވަޅުތަކެއް އަޅަން ފަށާފައެވެ. ރާއްޖޭގެ ފަތުރުވެރިކަމާއި، މުދާ އެތެރެކުރުމުގައި މެދުއިރުމަތީގެ މަގުތަކަށް ބަރޯސާވާ މިންވަރު ބޮޑުވުމަކީ އިޤްތިޞާދީ ގޮތުން އޮތް ގޮންޖެހުމެކެވެ. މި ހާލަތު ދެނެގަނެ، ރައީސުލްޖުމްހޫރިއްޔާ ވަނީ ހަނގުރާމަ ފެށުނުތާ ކުޑަ ވަގުތުކޮޅެއްގެ ތެރޭގައި ވަޒީރުންގެ ކޮމިޓީއެއް އެކުލަވާލައި، ރާއްޖޭގެ ސަލާމަތާއި އިޤްތިޞާދީ ހަމަޖެހުން ކަށަވަރުކުރުމުގެ މަސައްކަތް ފަށްޓަވާފައެވެ.
މި ކޮމިޓީގެ މައިގަނޑު އަމާޒަކީ ކާބޯތަކެއްޗާއި ތެޔޮ ލިބޭނެ އިތުރު މާކެޓުތައް ހޯދުމާއި، ދަތުރުފަތުރުގެ ބަދަލު މަގުތައް ބެލުމުގެ އިތުރުން، މެދުއިރުމަތީގައި ތިބި ދިވެހިންނަށް އެހީތެރިކަން ފޯރުކޮށްދިނުމެވެ. ހަނގުރާމަ ދިގުލައިގެން ގޮސްފިނަމަ ލިބިދާނެ މާލީ ގެއްލުންތަކުން ސަލާމަތްވުމަށްޓަކައި، ބޭރުގެ މާލީ އިދާރާތައް މެދުވެރިކޮށް 100 މިލިޔަން ޑޮލަރުގެ ފައިނޭންސް ފެސިލިޓީއެއްވެސް ސަރުކާރުން ވަނީ ހަމަޖައްސާފައެވެ. މީގެ ބޭނުމަކީ ރާއްޖޭގެ ރިޒާވް ވަރުގަދަކޮށް، އަސާސީ މުދާ މެދުކަނޑުމެއް ނެތި ލިބޭނެ ގޮތް ހެދުމެވެ. ކުރިމަތިވެދާނެ އެންމެ ގޯސް ހާލަތަކަށް ތައްޔާރުވެ، ރައްޔިތުންނަށް ލިބޭ ގެއްލުން ކުޑަކުރުމަށް ސަރުކާރުން ދަނީ މެދުނުކެނޑި މަސައްކަތް ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0