Read Time:2 Minute, 15 Second
(ފޮޓޯ ކްރެޑިޓްސް: ވިޒިޓް މޯލްޑިވްސް)
އަންނަ އަހަރު ސާބިއާގެ ބެލްގްރޭޑުގައި ބާއްވާ “ބެލްގްރޭޑް އެކްސްޕޯ 2027” ގައި ބައިވެރިވުމަށް ވިޒިޓް މޯލްޑިވްސް (ވީއެމްސީ) އިން އެއްބަސްވުމުގައި ސޮއިކޮށްފިއެވެ. މި އެއްބަސްވުމުގައި ވީއެމްސީގެ ފަރާތުން ސޮއިކުރެއްވީ އެ ކުންފުނީގެ ސީއީއޯ އިބްރާހިމް ޝިއުރީއެވެ. އަންނަ އަހަރުގެ މެއި މަހުން އޮގަސްޓް މަހަށް ކުރިއަށްދާ މި އެކްސްޕޯގައި 120 އަށްވުރެ ގިނަ ގައުމުން ބައިވެރިވާނެ ކަމަށް ލަފާކުރެވޭއިރު، މިއީ ވިލާތުގެ މާކެޓުގައި ރާއްޖެ އިޝްތިހާރު ކުރުމަށް ލިބޭ ރަނގަޅު ފުރުސަތެކެވެ.
މި އެކްސްޕޯގައި ރާއްޖޭގެ ފަތުރުވެރިކަމާއި، ތިމާވެށި ރައްކާތެރިކުރުމަށް ކުރާ މަސައްކަތްތަކާއި، ދިވެހި ސަގާފަތް ދުނިޔެއަށް ދައްކާލުމަށް ވީއެމްސީން ދަނީ ތައްޔާރުވަމުންނެވެ. މި މަސައްކަތް ކުރިއަށްދަނީ ސަރުކާރުގެ ކަމާބެހޭ މުއައްސަސާތަކާ ގުޅިގެންނެވެ. އެކްސްޕޯގެ ޕްލޭނިންގް މަރުހަލާ ނިމި، މިހާރު ކުރިއަށްދަނީ ރާއްޖޭގެ ޕެވިލިއަން ފަރުމާކުރުމާއި އަމަލީ ތައްޔާރީތަކުގެ މަސައްކަތެވެ. މިއީ ދުނިޔޭގެ ފެންވަރުގައި ރާއްޖޭގެ މަގުބޫލުކަން އިތުރުކޮށް، ދެމެހެއްޓެނިވި ފަތުރުވެރިކަން ކުރިއެރުވުމަށް އެޅޭ މުހިންމު ފިޔަވަޅެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0