Read Time:1 Minute, 57 Second
(ފޮޓޯ ކްރެޑިޓްސް: ރައީސް އޮފީސް)
ގދ. ފިޔޯރީގައި ތަރައްޤީކުރާ މަސް ބަންދުކުރާ ކާރުޚާނާގެ މަސައްކަތް ނިންމައި، އަންނަ އަހަރުގެ މަސްވެރިންގެ ދުވަހަށް އޮޕަރޭޝަނަށް ގެނައުމަށް ސަރުކާރުން އަމާޒު ހިފައިފިއެވެ. މި މަޝްރޫޢުގެ ދަށުން ބިން ހިއްކުމާއި ބަނދަރު ހެދުމުގެ މަސައްކަތް މިހާރު ފަށާފައިވާއިރު، އެ މަސައްކަތް 6 މަސްދުވަހުގެ ތެރޭގައި ނިންމާލެވޭނެއެވެ. ޗައިނާގެ ކުންފުންޏަކާ ގުޅިގެން ކުރިއަށްގެންދާ މި މަޝްރޫޢުގައި، ކުރިން ކަނޑައެޅި މިންވަރަށްވުރެ އިތުރުކޮށް 3000 މެޓްރިކް ޓަނުގެ ކޯލްޑް ސްޓޯރޭޖަކާއި، ދުވާލަކު 100 ޓަނުގެ މަސް ބަންދުކުރާ ކާރުޚާނާއެއްގެ އިތުރުން ފިޝްމީލް ޕްލާންޓެއް ޤާއިމުކުރާނެއެވެ. މިއީ ރާއްޖޭގެ މަސްވެރިކަމުގެ 60 އިންސައްތަ ހިއްސާކުރާ ދެކުނުގެ މަސްވެރިންނަށް ދިމާވެފައިވާ ދަތިތަކަށް ޙައްލެއް ހޯދައިދީ، ހުވަދުއަތޮޅުގެ އިޤްތިޞާދު ކުރިއެރުވުމަށް ފަށާފައިވާ މުހިންމު މަސައްކަތެކެވެ. ސަރުކާރުގެ އަމާޒަކީ ރާއްޖޭގެ ކޯލްޑް ސްޓޯރޭޖް ކެޕޭސިޓީ 9500 ޓަނުން 25000 ޓަނަށް އިތުރުކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0