Read Time:2 Minute, 14 Second
(ފޮޓޯ ކްރެޑިޓްސް: ރޮއިޓާރސް)
އީރާނާ ދެކޮޅަށް އެމެރިކާ އާއި ޔަހޫދީން ފަށާފައިވާ އުދުވާނަށް ރައްދު ދިނުމުގެ ގޮތުން އީރާނުން ދެމުންދާ ހަމަލާތަކުގައި، ސައުދީ އަރަބިއްޔާގައި އޮތް އެމެރިކާގެ އަސްކަރީ ފަސް މަތިންދާބޯޓަކަށް ބޮޑެތި ގެއްލުންތަކެއް ލިބިއްޖެއެވެ. މި ހަމަލާތަކުގައި އެމެރިކާގެ އަސްކަރިއްޔާއަށް މިހާތަނަށް ލިބުނު ގެއްލުމުގެ އަގު ހަތަރު ބިލިއަން ޑޮލަރަށްވުރެ މައްޗަށް އަރާފައިވާ ކަމަށް ރިޕޯޓުތައް ބުނެއެވެ. މީގެ ތެރޭގައި އެކި ގައުމުތަކުގައި ގާއިމުކޮށްފައިވާ އެމެރިކާގެ ދިފާއީ ނިޒާމުތަކާއި، ރާޑަރުތަކުގެ އިތުރުން ވައްޓާލާފައިވާ ޑްރޯންތަކާއި ހަނގުރާމަމަތީ ބޯޓުތައް ހިމެނެއެވެ.
މި ހަނގުރާމައިގައި އެމެރިކާ ސިފައިންގެ އަށް މީހަކު މަރުވެ ގިނަ ބަޔަކު ޒަޚަމްވެފައިވާއިރު، އީރާނުގެ ކުރީގެ ރޫހީ ވެރިޔާ އާޔަތުالله އަލީ ޚާމަނާއީ ޝަހީދުވުމާ ގުޅިގެން، އައު ވެރިއަކަށް ހަމަޖެއްސި މުޖުތަބާ ޚާމަނާއީ ވަނީ އަވަށްޓެރި ގައުމުތަކުގައި ހުރި އެމެރިކާގެ އަސްކަރީ މަރުކަޒުތައް ބަންދުކުރުމަށް ގޮވާލައްވާފައެވެ. އީރާނުން ބުނަމުންދަނީ މި ހަމަލާތަކަކީ އެ ގައުމުގެ މިނިވަންކަމާއި އިސްތިގުލާލުގެ ދިފާއުގައި ދޭ ހަމަލާތަކެއް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0