Read Time:2 Minute, 17 Second
ސްޕޭނާއި އާޖެންޓީނާ ބައްދަލުކުރާ ފައިނަލިސިމާ މެޗު ރެއާލް މެޑްރިޑްގެ ދަނޑުގައި ކުޅެން އާޖެންޓީނާއިން ދެކޮޅު ހަދައިފިއެވެ. މި މެޗު އެންމެ ފުރަތަމަ ގަތަރުގައި ކުޅެން އޮތް ނަމަވެސް، މެދުއިރުމަތީގެ ހަމަނުޖެހުންތަކާ ގުޅިގެން ގަތަރުން ވަނީ ކުޅިވަރު ހަރަކާތްތައް ހުއްޓާލާފައެވެ. ރެއާލްގެ ދަނޑުގައި ކުޅެން އާޖެންޓީނާއިން ދެކޮޅު ހެދީ ވަކި ސަބަބެއް ބަޔާންނުކޮށް ކަމަށްވިޔަސް، އެއީ އެ ދަނޑަކީ ކެޕްޓަން މެސީއާ ބޮޑު ވާދަވެރިކަމެއް އޮންނަ ކްލަބެއްގެ ދަނޑަށްވާތީ ކަމަށް ބެލެވެއެވެ.
އާޖެންޓީނާއިން މިހާރު ހުށަހަޅާފައިވަނީ އިނގިރޭސިވިލާތުގެ ވެމްބްލީ ސްޓޭޑިއަމުގައި މި މެޗު ކުޅުމަށެވެ. ވޯލްޑް ކަޕަށް ތައްޔާރުވުމުގެ ގޮތުން މި ދެ ގައުމުންވެސް ބޭނުންވަނީ އަންނަ ޖޫން މަހުގެ ކުރިން މި މެޗު ކުޅޭށެވެ. މީގެ އިތުރުން، އެމެރިކާ އާއި އިރާނާ ދެމެދު އޮތް ސިޔާސީ ނުތަނަވަސްކަމުގެ ސަބަބުން، އެމެރިކާގައި ބާއްވާ ވޯލްޑް ކަޕަށް ދިއުމާ މެދު އިރާނުން ވަނީ ސުވާލު އުފައްދާފައެވެ. ފީފާގެ ރައީސް އިންފަންޓީނޯއާ އެމެރިކާގެ ރައީސް ޓްރަމްޕާ ދެމެދު ގާތް ގުޅުމެއް އޮތް ނަމަވެސް، އިރާނުގެ އޮފިޝަލުންނަށް ވިސާ ހޯދައިދިނުމުގައި ފީފާއަށް މީގެ ކުރިން ވަނީ ދަތިތަކާ ކުރިމަތިވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0