Read Time:2 Minute, 28 Second
(ފޮޓޯ ކްރެޑިޓްސް: ރޮއިޓާރސް)
ޔަހޫދީންނާއި އެމެރިކާ ގުޅިގެން އީރާނާ ދެކޮޅަށް ފެށި ހަނގުރާމައިގައި، އީރާނުން ދަނީ އެ ޤައުމުގެ ދިފާޢީ ވަރުގަދަކަމާއި ކެތްތެރިކަން ދުނިޔެއަށް ސާބިތުކޮށްދެމުންނެވެ. ހަކަތަ ހަތިޔާރަކަށް ހަދައި، ދުނިޔޭގެ ބާޒާރަށް ތެޔޮ ފޯރުކޮށްދިނުމަށް ހުރަސްއަޅައި، އެމެރިކާގެ ރައީސް ޓްރަމްޕަށް އިޤުތިޞާދީ ގޮތުން ފިއްތުންތައް ކުރިމަތިކުރުވުމަކީ އީރާނުގެ މުހިންމު އަމާޒެކެވެ. އިސް ލީޑަރުންނަށް އަމާޒުކޮށް ޙަމަލާތައް ދިން ނަމަވެސް، އީރާނުގެ އަސްކަރީ ލަޝްކަރުން ވަނީ ޤައުމުގެ ހިންގުން ދަމަހައްޓައި، އައު ޒަޢާމަތުގެ ދަށުން ފަހަތަށް ނުޖެހޭނެކަން ދައްކާފައެވެ.
މި ހަނގުރާމައިގައި އީރާނުން ދަނީ ޔަހޫދީންގެ ރަށްތަކާއި، ގަލްފުގައި ހުރި އެމެރިކާގެ އަސްކަރީ މަރުކަޒުތަކަށް ބާރުގަދަ ޙަމަލާތަކެއް ދެމުންނެވެ. ޓްރަމްޕް ހަނގުރާމަ އަވަހަށް ކާމިޔާބު ކުރެވޭނެ ކަމަށް ވިދާޅުވި ނަމަވެސް، އީރާނުގެ އަސްކަރީ ޤާބިލުކަން އަދިވެސް ވަރުގަދަކޮށް އޮތުމުން، މިއީ ދިގުލައިގެންދާނެ ހަނގުރާމައެއް ކަމަށް މަސްރަޙް ދިރާސާކުރާ ފަރާތްތަކުން ދެކެއެވެ. މި ޢުދުވާނުގެ ސަބަބުން އީރާނުގެ އެތެރޭގެ އެއްބައިވަންތަކަން އިތުރުވެ، ދުނިޔޭގެ ބޮޑެތި ބާރުތަކުގެ ކުރިމަތީގައި އީރާނުގެ ސިޔާދަތު ގުޑުވައިނުލެވޭނެކަން އެ ޤައުމުން ދަނީ ސާބިތުކޮށްދެމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0