Read Time:2 Minute, 30 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އާ އަލަށް ހަވާލުވި މެނޭޖްމަންޓުން ކުރި މަސައްކަތުން، ކޯޓުތަކުން ކޮށްފައިވާ ހުކުމްތަކާ ގުޅިގެން ދައްކަންޖެހޭ ހުރިހާ ދަރަންޏެއް މިހާރު ޚަލާސްކޮށްފައިވާ ކަމަށް އެ އެސޯސިއޭޝަންގެ ރައީސް އަޙްމަދު ޠާރިޤް ވިދާޅުވެއްޖެއެވެ. އެފްއޭއެމްގެ އޯޑިނަރީ ކޮންގްރެސްގައި ވާހަކަދައްކަވަމުން ޠާރިޤް ފާހަގަކުރެއްވި ގޮތުގައި، ހުޅުމާލޭ ބިމެއްގެ މުއާމަލާތާ ގުޅިގެން އުފެދުނު 70 މިލިއަން ރުފިޔާގެ ދަރަނި ހިމެނޭހެން، ވޭތުވެދިޔަ ހަތް މަސްދުވަހު ބަޖެޓުން ބޮޑު ހޭދައެއްކޮށް ވަނީ ހުކުމްތަކާ ގުޅޭ ދަރަނިތައް ނިންމާފައެވެ.
ނަމަވެސް، ކޮރެއާ ކުންފުންޏަކާ ގުޅޭ 3.2 މިލިއަން ޑޮލަރުގެ މައްސަލައަކާއި، އެޗްޑީސީއަށް ދައްކަންޖެހޭ 10 މިލިއަން ރުފިޔާގެ މައްސަލައެއް އަދިވެސް ކޯޓު މަރުހަލާގައި އެބައޮތެވެ. މީގެ އިތުރުން، އައިލެންޑް އޭވިއޭޝަނާއި އެސްޓީއޯ ފަދަ ކުންފުނިތަކަށް އޮތް ދަރަނިތައް، މުބާރާތްތަކުގެ ސްޕޮންސަރޝިޕް މެދުވެރިކޮށް ޚަލާސްކުރުމުގެ މަޝްވަރާތައް ދަނީ ކުރެވެމުންނެވެ. އެފްއޭއެމްގެ ކުރީގެ މެނޭޖްމަންޓުން ވީ އިހުމާލުތަކާއި ޚިޔާނާތުގެ މައްސަލަތަކުން އަރައިގަނެ، ދިވެހި ފުޓުބޯޅަ އަލުން ކޮޅަށް ޖެހުމަށް އައު އެކްސްކޯއިން އަންނަނީ ގިނަ މަސައްކަތްތަކެއް ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0