Read Time:2 Minute, 10 Second
(ފޮޓޯ ކްރެޑިޓްސް: އިލެކްޝަންސް ކޮމިޝަން)
ރާއްޖޭގައި ބާއްވާ ރިޔާސީ އިންތިޚާބާއި، މަޖިލިސް އިންތިޚާބު އަދި ލޯކަލް ކައުންސިލް އިންތިޚާބަކީ ރައްޔިތުންގެ މަންދޫބުން ހޮވުމަށް ބާއްވާ ވަރަށް މުހިންމު އިންތިޚާބުތަކެކެވެ. އަންނަ މަހުގެ 4 ވަނަ ދުވަހު ބާއްވާ ކައުންސިލް އިންތިޚާބު ޚާއްސަވަނީ، ރަށުގެ ތަރައްގީއަށް މަސައްކަތްކުރާނެ މެންބަރުން ހޮވުމުގެ އިތުރުން، ރިޔާސީ އިންތިޚާބާއި މަޖިލިސް އިންތިޚާބު އެއްދުވަހެއްގައި ބޭއްވުމާ މެދު ރައްޔިތުންގެ ފެންނަ ނުފެންނަ ވޯޓެއް ނަގާތީއެވެ. މިއީ ޤައުމުގެ މުސްތަގުބަލަށް އަންނާނެ ބޮޑު ބަދަލަކަށްވާއިރު، ވޯޓުލުމުގެ ހައްގު ލިބިފައިވާ ކޮންމެ މީހަކުވެސް ފަރުދީ ޒިންމާ އަދާކޮށް ބަސް އިއްވުމަކީ ކޮންމެހެން ބޭނުންތެރި ކަމެކެވެ. ކައުންސިލަރުންނާއި އަންހެނުންގެ ކޮމިޓީގެ މެންބަރުންނަކީ ރަށުގެ ކުރިއެރުމަށް ސަރުކާރާއެކު މަސައްކަތްކުރާނެ އެންމެ އިސް ފަރާތްތައް ކަމަށްވުމާއެކު، ގާބިލު މީހުން ހޮވުމަކީ ރަށުގެ ތަރައްގީއަށް އޮތް ފުރުސަތެކެވެ. އެހެންކަމުން، ގައުމާއި ރަށުގެ މަސްލަހަތަށް އިސްކަންދީ، މި މުހިންމު ނިންމުންތަކުގައި އަމަލީގޮތުން ބައިވެރިވުން މުހިންމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0