Read Time:1 Minute, 52 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ރިޔާސީ އިންތިޚާބާއި މަޖިލިސް އިންތިޚާބު އެއް ދުވަހެއްގައި ބޭއްވުމަކީ ކޮންމެހެން ކުރަންޖެހޭ ކަމެއް ކަމަށް ޖުމްހޫރީ ޕާޓީގެ ލީޑަރު ޤާސިމް އިބްރާހިމް ވިދާޅުވެއްޖެއެވެ. ޤާސިމް ފާހަގަކުރެއްވި ގޮތުގައި މިހާރު ކަން ހިނގާގޮތުން އާ ސަރުކާރެއް އެކުލަވާލުމަށްފަހު ފުރަތަމަ މަސްތަކުގައި މަޖިލީހުގެ މެޖޯރިޓީ ހޯދުމަށް ގިނަ މަސައްކަތްތަކެއް ކުރަންޖެހުމުން ސިޔާސީ ހަލަބޮލިކަން އުފެދި، ސަރުކާރުގެ މަސައްކަތްތަކަށް ހުރަސް އެޅެއެވެ. ދެ އިންތިޚާބު އެކީގައި ބޭއްވުމުން ދައުލަތުގެ ބަޖެޓުން 120 މިލިއަނަށްވުރެ ގިނަ ރުފިޔާ ސަލާމަތް ކުރެވޭނެ ކަމަށާއި، ކޮރަޕްޝަނާއި ސިޔާސީ ނުތަނަވަސްކަން ކުޑަވެގެންދާނެ ކަމަށްވެސް އޭނާ ވިދާޅުވިއެވެ. އެހެންކަމުން، މި ބަދަލު ގެނައުމަށްޓަކައި އަންނަ އޭޕްރިލް މަހު ބާއްވާ ފެންނަ ނުފެންނަ ވޯޓުގައި މިކަމަށް ތާއީދުކޮށް ވޯޓު ދެއްވުމަށް ޤާސިމް ވަނީ ރައްޔިތުންގެ ކިބައިން އެދިވަޑައިގަންނަވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0